ZOHMINGA
(Conted ..2.)
By T mawii.
Sikul luh hun a rawn nih takah chuan kei chu champhai lama ka chhoh ngei angai ta a, Pitei dam loh avang chuan tumah min han thlah tur pawh an awm bik lo va, thlah lah ka ngai tawh bik hek lo; Liantea chuan Bike chu min papek tawp mai a, unau chhar man hi a awm tak zet a ni.
Ka thawhna chu a nuam dawn viau hian alang, class 8 naupang ho phei chu an dawng nguak tawh a, Venglai Middle Skula thawk ka nia, kan headmaster ho chuan inhmelhriattirna te kan nei a, chumai bakah mahni subject lak turte min sem fel thlap bawk a; kan staff zingah chuan nula pawh an awm ve ngei e.
A hming chu Lalnunnemi niin, Champhai venglaiah an khawsa ve a, an chhuahna tak erawh chu Thingtlang lam niin, Champhaiah hian an rawm pem lut a, kei aiin kum 5 vela naupang niin, he sikulah hian nikum.lam aṭangin a lo thawk tawh a ni.
Chutianga kum chanve dawn kan thawh ho hnu chuan kan inpawh tlang tawh hle a, kei pawh ka tlangnel tawh khawp mai; amaherawh chu Pitei dam loh avangin thla tawp hi chu haw thlak nan ka hmang fo a, min chah lo nain keiman zuk kan ka duh ṭhin a ni.
Ka haw chho fel leh chauh tih chuan zan khat chu ka phone a rawn ri cher cher mai a, hetih lai hian keimahin Vengthlangah in ka luah hrang ve tawh a; Putea'n man tlawm deuh luah kha a remti bawk si lo va, ka inluah a len ṭhat bakah a zauvin a kimchang em em mai bawk si a; ka thawl rek ruk khawp mai.
Ka khuma phone nghawr dar dar chu lain ka pick nghal a. Lily a ni tlat mai, ve teh mial chuan ani ber kherin min rawn call ve chu pawihai a awm a nih te ka ring ta rum rum a.
Hello Lily, in ṭha maw?
" Aw ṭha a ni mai ang chu..."
Lily eng nge ni ta, nang meuhin min rawn call tak mial chu?
" Ni e, Hminga tun mai thim hnu lawk si khan Pitei chuan min peih loh san ta a ni," a insut rizui hraih a.
Khai aw, ava pawi tak em.! Kan chhungkaw kungpui miril Pitei tel lo chuan eng tak kan ang zui ang maw le, Putea a ṭh maw Lily?
" Hei a landan maiah chuan a tlangval viau e, i nu zawk hian a tuar thiam vak lo a, a lainat awm khawp mai. Putea chuan,' eng tih theih a ni tawh chuang lo va, Hmingbawiha chu rawn chhuk buai lo mai se, a hna lamin a tuar dah ang e,' a tih vanga rawn call zawk che ka nia.
Mai mai chuan a.! Hetiang huna ka awm lohvin, eng hunah nge ka awm chuan ang le? Zanin hian kan head ka va be nghal ang a, a rem chuan azan zan hian ka rawn tlan thla nghal mai ang chu ka ti a. Headmaster chu ka benghal ang e aw ka tizui zat a.
Thil awmzia leh Pitei kan nufa tana a hlutzia ka hrilh a, dik tak chuan ka nu aimah hian ka pitei hi a hlu zawk a ni, kan nufa tan kher hi chuan mi ang sa anga kan dam leh chhan pui ber chu ani hi a ni a; mipa mah ni ila, ka tan mawlh insum a har takzet a ni; kan chanchin tlangpui ka sawi lai pawh chuan ka aw a lawi lek lek ṭhin a.
Ka pu, ka duh dan chuan zanin la la hian tlan haw nghal mai ka duh a ni, naktukah chuan lam a hla thamin, ruangin min lo nghahpui emaw a ni ang a, mipui hun kan tiheksak lutuk ang tih ka hlau a ni.
Kan head chuan,
" E khai, Hminga nangmah mai chuan ni lul love, kan staff ho ka han phone kual ang a, a thei thei chuan kan zui ngei tur che alawm, ngawi rawh min lo nghak la kan be kual nghal ang e," tiin kan thawhpuiho mi sawm chuang zet chu a be kual nghal ta char char a.
Ka rin ai daihin kei ve mai mai chu min lo ngai pawimawh nasa mai chu niin, an vai mai deuhthaw chuan min kalpui an lo tum reng mai a, ka lawmin ka inthlahrung ang reng phian mai zawk a.
Kal tur ho an lo thlen kim chuan kan Headmaster ber pawh chu a lo tel ve reng mai a..!
Mahni Motor an rawn hawl chhuak fur mai lehnghal nen, staff zinga kal ve hman ngang lo tlem te chuan sikul lo va kalin, Zirtawp a nih tho dawn avangin naupang ho work experience neihpuia lo ban pui mai turin head chuan a hrilh ta zawk a.
Mahnia lirthei nei lo pawh Motor car keng ho chuan phurin, kei pawh chu Bike keng lo mai turin minti viau nain, an ruala ka chhoh leh mai theih loh takin ken ngei chu ka duh thung a, ka ṭhianpa Hruaia chuan,
" Hminga, zan thil te a nia, Bike chu a hahthlak lutuk ang e, a ṭul phawt chuan keiman ka nghak mai dawn che alawm; ka car hian i kal zawk ang u, hei Duptei pawh a awm ve a,kan pathum hian khawhar lo deuhin kan chuang ho zawk dawn nia," a tih tlat avang chuan ka aw ve ta nge nge a.
Kan thawhpui Nemi hi Dupte ka tifiam ṭhin a, chu chu ka ṭhiante hian koh fiam nan tak hmangin kan ko hlen titih der mai a, amah Nemi phei hi chuan " Hmingchhe phuah chhuaktu," minti nghe nghe a; kan koh thlak leh thei hlawm mang si lo a ni.
Zan dar 8 velah chuan tluang takin kan chhuak ve thei ta a, chawl muang em em lo va kal zelin, kan tum ram pawh tluang takin kan thleng thei ta a.
Kan tual velah chuan mi an lo zi nuaih nuaih mai a, chutih lai karah chuan Putea leh Liantea chuan kan tual hmawr motor din theihna chinah chuan min rawn ngaihven bawk a, ka ṭhiante pawh chu Lawmthu sawiin an chibai thliah thliah hlawm bawk a.
Mi tam tak chuan kan Aizawl khawpui ve em hi chu a, In a inhnaih tual tual a,mihring kan inhlat tial tial thung, mahni inluah te pawh kan hre lo lek lek tawh alawm, ṭhenawm satliah phei chu inhre lo tak tak kan tam tawh mai," an ti teh chawk a.
Keini awmna bikah chuan ala dik lo nasa mai, kan ṭhenawm te inah chuan eitir lo siamin, kan in aimah chuan an lo buai zawk daih mai a; ka ṭhiante pawh chutah chuan luhpui zetin, kei leh Lianzama, Putea nen chuan kan inlam chu kan pan leh ta a.
Kan inchhung thlang lam deuha Pitei ruang an lo mut zar mai chu ka panding vang vang a, ka mittui chu dan rual loh hian a sur zung zung mai a; chutah Putea chuan ṭahchhuak rawl tham ṭuat mai hian,
" Zarte tho rawh, hei i tupa duat a lo thleng a nia, lo ngaihven ta che, i tupa rilṭam leh retheih i hlauh em em ṭhin kha a lo thleng e," a'n ti chhuak mai bawk a.
Mipa mah ni ila ka insum thei lo a ni.
Pite, ka lo thleng e, lo tho rawh, " khawiah mah ka tel lo chuan inkal lo vang a, intel lo chuan khawiah mah ka kalsan lo vang che u," i tih kha tih leh a ruang bawh chu ka rual a.
Ruang kila lo awm ṭhap ho pawh chu insum thei lovin kan vai ṭah ta hawm hawm a. Chutah ka nu chuan,
" Mama i pitei hian a lam a lam che asin, angaihtuahna fim chhung zawng khan a theihnghilh lo che,' ka u lo tho tawh teh, ka tel lovin khawiah mah i kal thei bik lo vang aw," tiin chhuak zet mai hian a rawn ṭap rawih rawih mai bawk a.
Ruang bulah chuan Liantea nen chuan insi rial hian kan ṭhu a, ka nu chuan min rawn en ṭhin, pitei ruang a en leh chuan a lungawi thei ngang lo chu a ṭap bang thei lo.
" Ka u, rethei bakberh leh tu khaw khain an ngaihsak lohva thi bo mai mai tur min chhanchhuak a, tunah hei kan nufain kan chhawr tlak ve dawn chauh a, Mama hlawh em pawh i la hmang hman ve hlei nem, thla thara Mama thil min hawn kawpsak ṭhin te hi engtin nge niang, ka u, i ai hian kei hi kal zawk ka va'n duh tak em.! Min hruai ve mai rawh ka u," tiin ṭah hla lungkuai lutuk mai chu chham chhuakin, ṭah pawh ṭap chhuak hleithei lo chuan a kui ta reng mai a.
Chutah Liantea leh kei chuan la chhuakin, Zualtea te inah chuan kan chhuk pui ta a. Ka nu khatia a awm kha ka lo hre thiam ve mai lo zawk a, damdawi Ina pitei a chauh zual thut lai pawhin a lo awm tawh zawk hi a ni awm a; Liantean zo zeta a pawm nawlh takah chuan ka hre thiam ve ta chauh a ni.
Ṭhapuii, Lily leh Sangtei chuan an theih tawp tak meuhin an enkawl vat vat a. Bawihtei erawh nau hring hlim te a nih vangin a rawn kal thei lo va, anu erawh a ṭangkai tak zet a ni. Pi Partei chuan ka nu chu natchhawk leh Vitamin ṭha ṭha chuan a jection mawlh mawlh a, drips In (Hermin) a khai nghal bawk a, amah ngei chuan a vil zui khar mai bawk nen; thla anti muang tak zet a ni.
Putea pawh chuan rawn kan ve-in, mawi tawk tak chu a rawn ṭhutpui ve a, ka nu harh mang hlei lo chu bia-in,
" Mangil, ka hre thiam lutuk che a nia, mihring inhmangaihnaah chuan a lehpek awm lovin i u hi i hmangaih a ni tiraw? Ani pawh hian a hmangaih che u asin, mahse nang tal chuan chhel taka i tuar chhuah ngei angai a ni," a ti sup sup a.
Keini pawh chu zana rawn tlan kan nih vangin Putea chuan Mu hahdam turin min tir hlawm a.
Tlangval chak lai kan nih hi, Pute nangmah kha mut hahdam tum teh zawk, keini chu min ngaihtuah reng reng suh ka lo ti thuai a.
Ka nu chu viltu an awm ṭhat tho vangin Liantea nen chuan kan chhohsan leh ta a, kan ṭhiante pawh inchhungah chuan lo awm ṭhap tawhin, an bulah chuan kan ṭhu ve a; Liantea nen chuan ka inhmelhriattir hlawm bawk a.
Lawmthu inhrilh bawrh bawrh chung chuan kan zai zui ve ta hlawm a.
Kan fel loh leh mi tana kan ṭangkai lohzia ka ngaihtuah a, kan phu lohvin mite chuan min ngai pawimawhin, kan in khat nghuk chuan min zai tlaivarpui a, thla anti muang ngei mai.
Khawvar dawn lamah chuan ka nu leh Putea pawh chu an rawn chho leh ta nge nge a.
Pitei ruang chu ropui takin,kan chhungkaw phu bak chawimawina nen chuan kan thlah liam ta a ni.
A tuk kan thlan ṭhut ni chuan ka thawhpui tam zawk chu an haw chho va, ka beisei loh takin Duptei leh Hruaia chuan min champui ta mial a.
******----******
Pitei thih sarhu pawh a kiang ve tawh a, ka nu leh Putea erawh an khua a la har dawn chauh a ni, Pitei a awm tak loh avang chuan keini tan pawh awm hran han sawi ngam a ni rih lo va; eng nge maw chen chu heti hian kan awm rih dawn a ni.
Ka thawhna sikul pawh a nuam khawp mai, vawi khat chu officea ṭhu khawmin kan titi malh malh hlawm a, class lak hma chuan eng engemaw kan sawi a, ka hlim phian a; Duptei chu first period a chan avangin a insiam a, a chhuak ta tharh a. Hruaia chuan:
" Ṭhianpa hi, Duptei mitmeng hi i man lo mai mai niin ka hria, engmah hre thiam awm hmel hi i pu ngai si lo va," a ti zauh a. Kan Headmaster phur zawng tak mai chu lo niin,
"Nia, Duptei mizia hi a danglam daih tak asin maw le, ka lo chik ru mai mai a, Hminga lo awm hma kha chuan hetiang mizia hi a pu ngai hauh lo tak a, hei tunah chuan a ngawichawiin a ṭawngmawh zo ta vek mai, a hma pawha hmeichhe nungchang ṭha tak nihsa nakalaiin," a rawn tichhuak phawng mai bawk a.
Min ti lai zo dawn alawm le, khawi maw ka kal a hun e, ti a chhuah mai ka tum chu Hruaia chuan,
" Third period kan nih kha aw Hminga, nang class 8, kei class 7," a lo ti chu kan nui ham ham a,min chhaih nasa sia ka hun ka lo hai nulh pek chu niin. Kan titi zui nak nak lai chuan Duptei class la zo chu a ṭhian dang te nen an rawn lut a, midang an chhuak ve thung a.
Rih dila picnic te chu kan sawi kai ta hlut mai a, kan phur tlang phian mai lehnghal a, kan puitlin titih ta der mai a; kei Rih dil la hmu lo ta chu a phur ber berah ka lo la ṭang zui bawk nen.
Intithei zeta Liantea ka zuk hrilh chuan,
" Ka hmuh hnu a nih kha, han fimkhur la, Burma lam Ṭio an tih maiah khan zu a zelen nasa mai a nia aw kawi Hming,"
Mahni pawha in duh hlei lo ṭhiante bul a nih vanga rui buk buk khawpin ka mawl lo aw, i kal leh chak vang mai a nih chu, ka zuk ti kher a.
" Tak takin Korien ho zu lar Soju um khat chu min lo hawn la,"
Kha kha ni mai tiin ka nui kur kur a.
Naupang Sikul chawlh ni tak kan thlang a, naupang ho nen chuan kan vaia kal kan tum ta a, akal peih lo leh hmu tawh ho lah kan phut lui hek lo.
Ṭhal tawp lam Dawnfawh tam lai la ni bawk si, ruah la sur vak hma chu kan ruat ta a.
Kan kal hma zan chuan Duptei chu kal a tum leh tum loh phonein ka zawt ve mai mai a,
" Nang i kal dawn em?"
Dawn e, ka la hmu ve si lova, ka chak teh mai a nia, kal ila? tiin ka sawmzui zat a.
" Zanin chu lo leng leh phawt la, chuan kan sawi dawn nia, kal chu ka kal tawh tho nain, keini chu Rih dil hnaih tea awm ṭhin kan nia lawm,"
Aw ka lo kal nghal, Siliper ka bun ang a, ka hman a ni mai ka tih chuan a nui hak hak a.
" Rawn inchei ve la maw le, i Normal dress pawhin ka la hmu lo che a, Siliper han bun kher te chu a, i ke zungte kha a leng lo ve mai tur asin," tiin za zet chuan a nui kar kar reng a.
Phone chu dahin ka insiam mawlh mawlh a, a ruk tak chuan ka ṭang ve deuh hlek tho va, ka tilang rih lo mai mai a ni.
Duptei hi a nungchang a ṭhain a nu zêm mai a, *hmeichhe dik tak* kan tih ang hi a ni ber mai awm e.
T Shirt var zet mai chungah Leather Jaket dum ka ha a, lukhum hma thlawk tawite ka khum bawk a, Velvet kekawr uk duk kharh mai hain, Sneeker var, a duma ṭial chu ka bun bawk a.
Keimah ka pa te lem lo bawk a ka lang mam ve purh hian ka inhre nghe nghe a, hetiang taka uluk hian ka inchei khat khawp mai lehnghal a; ka Bike chahbi chu lain ka inkhalh chhuak ta vang vang a.
Duptei te In hi khutah Venglai Hall thlang chiah, kan sikul aṭanga hla vak lo a ni a. A kawng erawh chu chhuk chho kal peih chuan a hla lo nain, a phei zawnga tlan duh chuan tlan kual ve deuh hlek a ngai thung a; ka kal lam chuan thlen chaknain min tur deuh bawk nen, Biak In chhak kawng aṭang chuan ka in breake thla deuh ṭawt ṭawt a.
Kar lovah ka thleng ve mai bawk a, a naute chu lo mu tawhin, a nu leh pa erawh chuan Sitting roomah chuan TV an lo en thung a.
An inchhung hi Sitting room pahnih ang deuh hian an rem a, a ril zawkah chuan Sofa set vel dahin, tuna kan awmna Choka nena inzawmah hi chuan Cousion pangngai an hmang thung a ni.
Duptei chuan thingpui tur a siam rak rak a, chumi pah chuan,
" Khawi maw i Siliper chu," tiin ka ke lam chu a rawn en zauh a.
Kei lah chuan hei tih leh ka ke lek kan chu ka lo rual vu a, chutih pah chuan amah chu ka en nghal a, anin min rawn en ve chiah bawk si, kan mit han intawng siah mai chu nidanga Duptei kha a ni ta hauh lo mai le, kan mit ve ve la sawnin kan hawi sawn nghal a; kan zâm thar ta riau ni fahmiang, kan hawi chhuak leh chiah chu kan in en rual leh ta chiah mai si nen, current chak takin min man dun hi a ni ber e.
Tawp lawk aw, last tak tak a leng leh si lo va.
(Conted ..2.)
By T mawii.
Sikul luh hun a rawn nih takah chuan kei chu champhai lama ka chhoh ngei angai ta a, Pitei dam loh avang chuan tumah min han thlah tur pawh an awm bik lo va, thlah lah ka ngai tawh bik hek lo; Liantea chuan Bike chu min papek tawp mai a, unau chhar man hi a awm tak zet a ni.
Ka thawhna chu a nuam dawn viau hian alang, class 8 naupang ho phei chu an dawng nguak tawh a, Venglai Middle Skula thawk ka nia, kan headmaster ho chuan inhmelhriattirna te kan nei a, chumai bakah mahni subject lak turte min sem fel thlap bawk a; kan staff zingah chuan nula pawh an awm ve ngei e.
A hming chu Lalnunnemi niin, Champhai venglaiah an khawsa ve a, an chhuahna tak erawh chu Thingtlang lam niin, Champhaiah hian an rawm pem lut a, kei aiin kum 5 vela naupang niin, he sikulah hian nikum.lam aṭangin a lo thawk tawh a ni.
Chutianga kum chanve dawn kan thawh ho hnu chuan kan inpawh tlang tawh hle a, kei pawh ka tlangnel tawh khawp mai; amaherawh chu Pitei dam loh avangin thla tawp hi chu haw thlak nan ka hmang fo a, min chah lo nain keiman zuk kan ka duh ṭhin a ni.
Ka haw chho fel leh chauh tih chuan zan khat chu ka phone a rawn ri cher cher mai a, hetih lai hian keimahin Vengthlangah in ka luah hrang ve tawh a; Putea'n man tlawm deuh luah kha a remti bawk si lo va, ka inluah a len ṭhat bakah a zauvin a kimchang em em mai bawk si a; ka thawl rek ruk khawp mai.
Ka khuma phone nghawr dar dar chu lain ka pick nghal a. Lily a ni tlat mai, ve teh mial chuan ani ber kherin min rawn call ve chu pawihai a awm a nih te ka ring ta rum rum a.
Hello Lily, in ṭha maw?
" Aw ṭha a ni mai ang chu..."
Lily eng nge ni ta, nang meuhin min rawn call tak mial chu?
" Ni e, Hminga tun mai thim hnu lawk si khan Pitei chuan min peih loh san ta a ni," a insut rizui hraih a.
Khai aw, ava pawi tak em.! Kan chhungkaw kungpui miril Pitei tel lo chuan eng tak kan ang zui ang maw le, Putea a ṭh maw Lily?
" Hei a landan maiah chuan a tlangval viau e, i nu zawk hian a tuar thiam vak lo a, a lainat awm khawp mai. Putea chuan,' eng tih theih a ni tawh chuang lo va, Hmingbawiha chu rawn chhuk buai lo mai se, a hna lamin a tuar dah ang e,' a tih vanga rawn call zawk che ka nia.
Mai mai chuan a.! Hetiang huna ka awm lohvin, eng hunah nge ka awm chuan ang le? Zanin hian kan head ka va be nghal ang a, a rem chuan azan zan hian ka rawn tlan thla nghal mai ang chu ka ti a. Headmaster chu ka benghal ang e aw ka tizui zat a.
Thil awmzia leh Pitei kan nufa tana a hlutzia ka hrilh a, dik tak chuan ka nu aimah hian ka pitei hi a hlu zawk a ni, kan nufa tan kher hi chuan mi ang sa anga kan dam leh chhan pui ber chu ani hi a ni a; mipa mah ni ila, ka tan mawlh insum a har takzet a ni; kan chanchin tlangpui ka sawi lai pawh chuan ka aw a lawi lek lek ṭhin a.
Ka pu, ka duh dan chuan zanin la la hian tlan haw nghal mai ka duh a ni, naktukah chuan lam a hla thamin, ruangin min lo nghahpui emaw a ni ang a, mipui hun kan tiheksak lutuk ang tih ka hlau a ni.
Kan head chuan,
" E khai, Hminga nangmah mai chuan ni lul love, kan staff ho ka han phone kual ang a, a thei thei chuan kan zui ngei tur che alawm, ngawi rawh min lo nghak la kan be kual nghal ang e," tiin kan thawhpuiho mi sawm chuang zet chu a be kual nghal ta char char a.
Ka rin ai daihin kei ve mai mai chu min lo ngai pawimawh nasa mai chu niin, an vai mai deuhthaw chuan min kalpui an lo tum reng mai a, ka lawmin ka inthlahrung ang reng phian mai zawk a.
Kal tur ho an lo thlen kim chuan kan Headmaster ber pawh chu a lo tel ve reng mai a..!
Mahni Motor an rawn hawl chhuak fur mai lehnghal nen, staff zinga kal ve hman ngang lo tlem te chuan sikul lo va kalin, Zirtawp a nih tho dawn avangin naupang ho work experience neihpuia lo ban pui mai turin head chuan a hrilh ta zawk a.
Mahnia lirthei nei lo pawh Motor car keng ho chuan phurin, kei pawh chu Bike keng lo mai turin minti viau nain, an ruala ka chhoh leh mai theih loh takin ken ngei chu ka duh thung a, ka ṭhianpa Hruaia chuan,
" Hminga, zan thil te a nia, Bike chu a hahthlak lutuk ang e, a ṭul phawt chuan keiman ka nghak mai dawn che alawm; ka car hian i kal zawk ang u, hei Duptei pawh a awm ve a,kan pathum hian khawhar lo deuhin kan chuang ho zawk dawn nia," a tih tlat avang chuan ka aw ve ta nge nge a.
Kan thawhpui Nemi hi Dupte ka tifiam ṭhin a, chu chu ka ṭhiante hian koh fiam nan tak hmangin kan ko hlen titih der mai a, amah Nemi phei hi chuan " Hmingchhe phuah chhuaktu," minti nghe nghe a; kan koh thlak leh thei hlawm mang si lo a ni.
Zan dar 8 velah chuan tluang takin kan chhuak ve thei ta a, chawl muang em em lo va kal zelin, kan tum ram pawh tluang takin kan thleng thei ta a.
Kan tual velah chuan mi an lo zi nuaih nuaih mai a, chutih lai karah chuan Putea leh Liantea chuan kan tual hmawr motor din theihna chinah chuan min rawn ngaihven bawk a, ka ṭhiante pawh chu Lawmthu sawiin an chibai thliah thliah hlawm bawk a.
Mi tam tak chuan kan Aizawl khawpui ve em hi chu a, In a inhnaih tual tual a,mihring kan inhlat tial tial thung, mahni inluah te pawh kan hre lo lek lek tawh alawm, ṭhenawm satliah phei chu inhre lo tak tak kan tam tawh mai," an ti teh chawk a.
Keini awmna bikah chuan ala dik lo nasa mai, kan ṭhenawm te inah chuan eitir lo siamin, kan in aimah chuan an lo buai zawk daih mai a; ka ṭhiante pawh chutah chuan luhpui zetin, kei leh Lianzama, Putea nen chuan kan inlam chu kan pan leh ta a.
Kan inchhung thlang lam deuha Pitei ruang an lo mut zar mai chu ka panding vang vang a, ka mittui chu dan rual loh hian a sur zung zung mai a; chutah Putea chuan ṭahchhuak rawl tham ṭuat mai hian,
" Zarte tho rawh, hei i tupa duat a lo thleng a nia, lo ngaihven ta che, i tupa rilṭam leh retheih i hlauh em em ṭhin kha a lo thleng e," a'n ti chhuak mai bawk a.
Mipa mah ni ila ka insum thei lo a ni.
Pite, ka lo thleng e, lo tho rawh, " khawiah mah ka tel lo chuan inkal lo vang a, intel lo chuan khawiah mah ka kalsan lo vang che u," i tih kha tih leh a ruang bawh chu ka rual a.
Ruang kila lo awm ṭhap ho pawh chu insum thei lovin kan vai ṭah ta hawm hawm a. Chutah ka nu chuan,
" Mama i pitei hian a lam a lam che asin, angaihtuahna fim chhung zawng khan a theihnghilh lo che,' ka u lo tho tawh teh, ka tel lovin khawiah mah i kal thei bik lo vang aw," tiin chhuak zet mai hian a rawn ṭap rawih rawih mai bawk a.
Ruang bulah chuan Liantea nen chuan insi rial hian kan ṭhu a, ka nu chuan min rawn en ṭhin, pitei ruang a en leh chuan a lungawi thei ngang lo chu a ṭap bang thei lo.
" Ka u, rethei bakberh leh tu khaw khain an ngaihsak lohva thi bo mai mai tur min chhanchhuak a, tunah hei kan nufain kan chhawr tlak ve dawn chauh a, Mama hlawh em pawh i la hmang hman ve hlei nem, thla thara Mama thil min hawn kawpsak ṭhin te hi engtin nge niang, ka u, i ai hian kei hi kal zawk ka va'n duh tak em.! Min hruai ve mai rawh ka u," tiin ṭah hla lungkuai lutuk mai chu chham chhuakin, ṭah pawh ṭap chhuak hleithei lo chuan a kui ta reng mai a.
Chutah Liantea leh kei chuan la chhuakin, Zualtea te inah chuan kan chhuk pui ta a. Ka nu khatia a awm kha ka lo hre thiam ve mai lo zawk a, damdawi Ina pitei a chauh zual thut lai pawhin a lo awm tawh zawk hi a ni awm a; Liantean zo zeta a pawm nawlh takah chuan ka hre thiam ve ta chauh a ni.
Ṭhapuii, Lily leh Sangtei chuan an theih tawp tak meuhin an enkawl vat vat a. Bawihtei erawh nau hring hlim te a nih vangin a rawn kal thei lo va, anu erawh a ṭangkai tak zet a ni. Pi Partei chuan ka nu chu natchhawk leh Vitamin ṭha ṭha chuan a jection mawlh mawlh a, drips In (Hermin) a khai nghal bawk a, amah ngei chuan a vil zui khar mai bawk nen; thla anti muang tak zet a ni.
Putea pawh chuan rawn kan ve-in, mawi tawk tak chu a rawn ṭhutpui ve a, ka nu harh mang hlei lo chu bia-in,
" Mangil, ka hre thiam lutuk che a nia, mihring inhmangaihnaah chuan a lehpek awm lovin i u hi i hmangaih a ni tiraw? Ani pawh hian a hmangaih che u asin, mahse nang tal chuan chhel taka i tuar chhuah ngei angai a ni," a ti sup sup a.
Keini pawh chu zana rawn tlan kan nih vangin Putea chuan Mu hahdam turin min tir hlawm a.
Tlangval chak lai kan nih hi, Pute nangmah kha mut hahdam tum teh zawk, keini chu min ngaihtuah reng reng suh ka lo ti thuai a.
Ka nu chu viltu an awm ṭhat tho vangin Liantea nen chuan kan chhohsan leh ta a, kan ṭhiante pawh inchhungah chuan lo awm ṭhap tawhin, an bulah chuan kan ṭhu ve a; Liantea nen chuan ka inhmelhriattir hlawm bawk a.
Lawmthu inhrilh bawrh bawrh chung chuan kan zai zui ve ta hlawm a.
Kan fel loh leh mi tana kan ṭangkai lohzia ka ngaihtuah a, kan phu lohvin mite chuan min ngai pawimawhin, kan in khat nghuk chuan min zai tlaivarpui a, thla anti muang ngei mai.
Khawvar dawn lamah chuan ka nu leh Putea pawh chu an rawn chho leh ta nge nge a.
Pitei ruang chu ropui takin,kan chhungkaw phu bak chawimawina nen chuan kan thlah liam ta a ni.
A tuk kan thlan ṭhut ni chuan ka thawhpui tam zawk chu an haw chho va, ka beisei loh takin Duptei leh Hruaia chuan min champui ta mial a.
******----******
Pitei thih sarhu pawh a kiang ve tawh a, ka nu leh Putea erawh an khua a la har dawn chauh a ni, Pitei a awm tak loh avang chuan keini tan pawh awm hran han sawi ngam a ni rih lo va; eng nge maw chen chu heti hian kan awm rih dawn a ni.
Ka thawhna sikul pawh a nuam khawp mai, vawi khat chu officea ṭhu khawmin kan titi malh malh hlawm a, class lak hma chuan eng engemaw kan sawi a, ka hlim phian a; Duptei chu first period a chan avangin a insiam a, a chhuak ta tharh a. Hruaia chuan:
" Ṭhianpa hi, Duptei mitmeng hi i man lo mai mai niin ka hria, engmah hre thiam awm hmel hi i pu ngai si lo va," a ti zauh a. Kan Headmaster phur zawng tak mai chu lo niin,
"Nia, Duptei mizia hi a danglam daih tak asin maw le, ka lo chik ru mai mai a, Hminga lo awm hma kha chuan hetiang mizia hi a pu ngai hauh lo tak a, hei tunah chuan a ngawichawiin a ṭawngmawh zo ta vek mai, a hma pawha hmeichhe nungchang ṭha tak nihsa nakalaiin," a rawn tichhuak phawng mai bawk a.
Min ti lai zo dawn alawm le, khawi maw ka kal a hun e, ti a chhuah mai ka tum chu Hruaia chuan,
" Third period kan nih kha aw Hminga, nang class 8, kei class 7," a lo ti chu kan nui ham ham a,min chhaih nasa sia ka hun ka lo hai nulh pek chu niin. Kan titi zui nak nak lai chuan Duptei class la zo chu a ṭhian dang te nen an rawn lut a, midang an chhuak ve thung a.
Rih dila picnic te chu kan sawi kai ta hlut mai a, kan phur tlang phian mai lehnghal a, kan puitlin titih ta der mai a; kei Rih dil la hmu lo ta chu a phur ber berah ka lo la ṭang zui bawk nen.
Intithei zeta Liantea ka zuk hrilh chuan,
" Ka hmuh hnu a nih kha, han fimkhur la, Burma lam Ṭio an tih maiah khan zu a zelen nasa mai a nia aw kawi Hming,"
Mahni pawha in duh hlei lo ṭhiante bul a nih vanga rui buk buk khawpin ka mawl lo aw, i kal leh chak vang mai a nih chu, ka zuk ti kher a.
" Tak takin Korien ho zu lar Soju um khat chu min lo hawn la,"
Kha kha ni mai tiin ka nui kur kur a.
Naupang Sikul chawlh ni tak kan thlang a, naupang ho nen chuan kan vaia kal kan tum ta a, akal peih lo leh hmu tawh ho lah kan phut lui hek lo.
Ṭhal tawp lam Dawnfawh tam lai la ni bawk si, ruah la sur vak hma chu kan ruat ta a.
Kan kal hma zan chuan Duptei chu kal a tum leh tum loh phonein ka zawt ve mai mai a,
" Nang i kal dawn em?"
Dawn e, ka la hmu ve si lova, ka chak teh mai a nia, kal ila? tiin ka sawmzui zat a.
" Zanin chu lo leng leh phawt la, chuan kan sawi dawn nia, kal chu ka kal tawh tho nain, keini chu Rih dil hnaih tea awm ṭhin kan nia lawm,"
Aw ka lo kal nghal, Siliper ka bun ang a, ka hman a ni mai ka tih chuan a nui hak hak a.
" Rawn inchei ve la maw le, i Normal dress pawhin ka la hmu lo che a, Siliper han bun kher te chu a, i ke zungte kha a leng lo ve mai tur asin," tiin za zet chuan a nui kar kar reng a.
Phone chu dahin ka insiam mawlh mawlh a, a ruk tak chuan ka ṭang ve deuh hlek tho va, ka tilang rih lo mai mai a ni.
Duptei hi a nungchang a ṭhain a nu zêm mai a, *hmeichhe dik tak* kan tih ang hi a ni ber mai awm e.
T Shirt var zet mai chungah Leather Jaket dum ka ha a, lukhum hma thlawk tawite ka khum bawk a, Velvet kekawr uk duk kharh mai hain, Sneeker var, a duma ṭial chu ka bun bawk a.
Keimah ka pa te lem lo bawk a ka lang mam ve purh hian ka inhre nghe nghe a, hetiang taka uluk hian ka inchei khat khawp mai lehnghal a; ka Bike chahbi chu lain ka inkhalh chhuak ta vang vang a.
Duptei te In hi khutah Venglai Hall thlang chiah, kan sikul aṭanga hla vak lo a ni a. A kawng erawh chu chhuk chho kal peih chuan a hla lo nain, a phei zawnga tlan duh chuan tlan kual ve deuh hlek a ngai thung a; ka kal lam chuan thlen chaknain min tur deuh bawk nen, Biak In chhak kawng aṭang chuan ka in breake thla deuh ṭawt ṭawt a.
Kar lovah ka thleng ve mai bawk a, a naute chu lo mu tawhin, a nu leh pa erawh chuan Sitting roomah chuan TV an lo en thung a.
An inchhung hi Sitting room pahnih ang deuh hian an rem a, a ril zawkah chuan Sofa set vel dahin, tuna kan awmna Choka nena inzawmah hi chuan Cousion pangngai an hmang thung a ni.
Duptei chuan thingpui tur a siam rak rak a, chumi pah chuan,
" Khawi maw i Siliper chu," tiin ka ke lam chu a rawn en zauh a.
Kei lah chuan hei tih leh ka ke lek kan chu ka lo rual vu a, chutih pah chuan amah chu ka en nghal a, anin min rawn en ve chiah bawk si, kan mit han intawng siah mai chu nidanga Duptei kha a ni ta hauh lo mai le, kan mit ve ve la sawnin kan hawi sawn nghal a; kan zâm thar ta riau ni fahmiang, kan hawi chhuak leh chiah chu kan in en rual leh ta chiah mai si nen, current chak takin min man dun hi a ni ber e.
Tawp lawk aw, last tak tak a leng leh si lo va.
No comments:
Post a Comment