REAL LOVE Chapter ..5 by Tmawii

REAL LOVE💙

Chapter..5.


By .Tmawii.


    Pathian zarah  chhungkaw pangngai tak aṭangin  ka lo sei lian ve a, mahse thingtlanga awm tih takah hlo thlawh leh  thingtlang hna ṭul chu engkim ka thawk ve thiam vek  a.


   Mahse nu leh pa leh unaute karah ka seiliana, duat rawn niin sadaiek hampherh mumal lovin khawpui lamah zirna runsang min belhtir a, ka zir chhuah ve lah chhawr hman lohvin hmangaihna  khur khirh zet maiah  tum sa hauh lohvin ka tlu lut ta si a nih hi.


   Nu Zami  lo hi  Lo bing kan tih mai ang deuh hi a nia, a lo lu lamah erawh chuan ri chu a nei ve ngei nain, an lo a zau tham avang leh  an thlam awmna  a chhak si avangin kan inhmu phak ngai meuh chuang lo a ni;  kei chuan eng pawh hmachhawn dawn ila ka zuam a, ka hmangaih em em Thangtein hrehawm tinreng keimah min hmangaih vanga  a tuar ve zel tur erawh hrehawm ka ti ngei mai.


   Nu Zami ho chuan  engemawchen kan awm lai lawkna  tur  lam chu kan pan thla hnak hnak a,  buh pawh an sang ve tawhin, mizo nu vantlang deuh chu  an kal pil ve hmarh hmarh tawh  a; hlo thlawh ṭul lutuk pawh  kan zo fel  lek lek tawh zawk a ni.


   Thlam  thlen thleng chuan tuma  hmuh em em loh chuan  kan kal thei ve ta mai bawk  a,  mahse hetah hian rei tak chu kan awm thei dawn hauh lo tih  a hriatsa reng mai bawk a.


  Eng nge maw ni vei chu, kan mizo upa te ngei pawhin:


  Hmangaihte nena  Bahra laih  an lo thlan ve ṭhin kha  maw...tiin  ka insehruh  lui ve ta tlat a, ka hma hunah eng nge lo thleng dawn lah ka hre der si lo;  eng pawh nise tuna  kan hun hi  a theih ang anga  ṭhain hman tum  phawt mai teh ang aw.


   Nu zami a hawn hnu chuan  Thangtei nen chauh  kan ni ta, pahnih chauh ni mah ila, kan khawvel chu  a par a, kan hlima  kan kim bawk a ni ber mai; keiin ka hmangaih tluk zeta  nasain Thangtei lahin min hmangaih ve bawk si a.


  " Valte, hlo pawh lo thlo hah duh reng reng suh ang che u, kan thlawh hneh lutuk chuan midang reu reu hian  min ringhlelin  an rawn zawng dah ang che u,  ka theih tawk tlem mahse, in mamawh zual tal chu rawn phuhruksak zel che u ka tum tlat ang e," tiin nu Zami chuan min ṭawng thlamuan malh malh a.


  Kan theih tawk chuan kan che vel  pawh kan fimkhur ve nasa  khawp  mai a, mahse  fimkhur sen loh chin leh min zawng an awm hlauh erawh a hlauhawm hle reng  mai.


   Dipdaltu nei hauh lova  kan pahnih chauha  kan  awm chu  mi zawng zawng hi kan kim ve thlap mai asin le..!!


   Zanah rannung leh  zana hram chi Vabak leh a dang dang an hram chiah chiah a,  ramhnuai boruak thiang ruih mai leh, mihring thawm bengchheng  reng reng hriat tur awm hauh lo va  reh duk mai te chu  a thianghlimin, kan inhmangaihna  chu a belhchhah hliah hliah mai hian ka hria  a.


   Ka nupui duhtak Thangtei chu  ka awmah, ka kut ding lam lukhamin, tui taka muhilin a thaw ri sak sak a, a hmelṭha tak mai leh pawisawi lo hmel hliah hliah mai chu  lungchim taka thlir vang vangin;  a chalah chuan dim te-in ka fawp zeuh a, kei pawh chu  thlamuang takin ka muhil ve ta siai siai a.


    Zingah chuan  Thangtei chuan ei relin,  thlam.kawt maia  maian chu a sik malh malh a,  a thawm hre phak rengin leh,  a piah maiah chuan ṭhahnemngai zetin kei chu hlo thlovin ka bung mek thung  a.


   Awrawl nena  han auha, han chhaih hlim  pawh  ka chak viau nain kan dinhmunin zir miau si hek lo le.


     Nu zami  lo feh leh hma ngeia  a tam thei ang ber lo thlawhsaka, favang mi lo zawh rual ngeia zawhtir chu ka tum ruh hle  mai bawk  a.  Thangteiin chawei a hman chuan ka bunna  lamah lo kalin,  zawite te  hian buh kar aṭang chuan min rawn au dat dat a.


   Thlam chhung kan luh ruala  Maian bai thar lam rim lo nam vang vang mai leh,  thuka  rawh ngei mai Bawkbawn leh samṭawk nen,  Hmarchapui no te te meia rawh a,  raw châng  bung  rawt thleng ngei maia  lo awm niai mai ho chuan  ril  a fan raih raih mai alawm le.


   " Ka siam nghal mai ang aw Valte, i hah viau em?  I ril a ṭam tawh viau ang a," tih pah chuan ka lamah a rawn thle pah nghalh bawk  a.


   Mahni nupui te mah nise, nupui neih ka hun leh ur ur mai hian ka inhre hial a.


   Thlam chhuat, Rawpui chik pharhah ngei mai chuan  thing buhtlei hmangin,  thlam thuk phena chaw her hmin ngei mai, herna  hnu chhinchhiah nana vut theh ṭial niau mai bel, chatuana  nawh ngai loh niawm fahrana  dum kim niau mai aṭang chuan  chaw, mizo buh hlang ngat mai, rum  lam  lek leka  chhum chu   a rawn khawrh khu ta vang vang mai a.


   Kawlpa ṭhuta chhuatah bawp kawkalh nalh maia ṭhu chung ngei maiin  dul hmul khât phuarh khawp ngeia ei tum chuan  ka lo en vung vung  a.


  Chutah, Maian   sih tharlam  tak mai  bai nghal tih hriat reng reng, a kara  berul no leh lengmaser hnah no thlak pawlh chiat mai chu  a rawn suak khu leh ta vang vang mai a.


   A suaktu chawp hian ei theih mai se ka va'n ti em.! tiin  Thangtei chu ka lo chhaih pah zuk zuk  a.


    Puar nelh nawlha  kan han ei chuan, mahni in lama  Dal leh dailuah, Nutrila leh tel tih vel chu kan mamawh bik lo chiang ngei mai le.


     Kar khat dawn lai chutia kan awm hnu chuan  tuk khat chu, zing hma tak maiah hian Nu zami chu a lo thleng nawlh mai a; a hmelah chuan  hmanhmawh rukna  riau hi  a lang tel tlat mai hian  ka hre hman pek a.


   Pawihai  a awm em ni ka nu?


   " Á...! awm em em lo ve,  chaw kha  puar takin ei phawt mai teh u, ka rawn chhukna  lam zawng zawng lah chu  a fai hnum hlarh vek mai a; Thangte, in va han thawk nasa  em em ve, hlo chu lo thlo hah duh suh ang che u ka tih kha,"  a ti barh barh  a.


   " Ka nu hi, engmah  kan thlo hman hleinem le, kei phei chu  mahnia  tuichawi tur takngial.pawhin ka laktlak der lo  lehnghal a,  i fapa hi a lawm ka nu, Mualzathlova  a ni ringawt alawm," ti chuan  a nui pah var var a.


   Chaw ei chu a siam  pah malh malh a, ka nu pawh chu Ina  ei lova lo kal a nih avangin kan rual chuan  a ei ve ta nghal a.


  Chaw ei chhung zawng chuan hlim takin kan titi pah bawk a, keimahni tawkah  inhmangaih em em vek mai kan ni bawk a, kan inpawh tlangin kan hlim ve ngei mai;  kan nui ho dar dar  reng mai a ni.


   Chaw kan eikham chuan nu ber chuan thlam namthlak lam chu panin:


    " Ka fanu leh fapa te u, lo hnai teh u,ka bulah hian  rawn ṭhu chawl u la, kan titi ho dawn nia; Thangte nang nula-ah  thingpuisen  kha  rawn chhawp bawk la, puar tlak nghah pahin i chawl ang u khai," hlim hmel sang hian a ti a.


  Nu zami bulah chuan ka ṭhu chhuak ve vat a, chutih pah chuan Thangtei chuan  thingpuisen chu  a rawn chhawp ve mek bawk a; kan pathum chuan  inhnaih zet zet hian kan ṭhu bial tiau mai a.


   " Kan thu dang alai chuan...,"  ka nu chuan a ti hman chauh a.Thangtei chuan  hlauthawng zetin  min rawn en a,


  " Ka nu, chanchin lawmawm lo a awm em ni?"


   Thangtei chu  Nu zami chuan a kuah vat a,


  " Awm em em hran lo ve Thangte, thlamuang takin awm phawt mai teh u,  thil hmanhmawh  thlak chuk chuk pawh a ni em lo vang chu maw? I awm loh thu hian i nu leh pa hnen thleng tawhin, nangmah lam turin  kan khua  an rawn thleng chiah a ni, nizan khan  an riak tawh nghe nghe  a; vanneihthlak takin  i pu fapa te berin a sawi lai ka fanu upa zawk Zodikin  a lo hre fuh hlauh mai a, hei ka theih anga rangin ka rawn kal ta nal nal  a nih hi," a ti charh charh  a.


   Phawk deuh hru chung hian kei lah chuan Thangtei chu ka kuah vat a,


   Ka lak aṭang hian engmahin an pawh hran che ka phal tawh lo, ka lo ti ve ngawt bawk a.


  " Ka nu engtia tih chi nge niang le?"


   Mangan hmel taka Thangtei zawhna  chu  nu Zami chuan:


  " Thangte, hlauthawng suh aw, ka ngaihdan chuan vawiin chhun lamah emaw  hian heta ṭang hian  kal chhuah tum ta mai u la, fimkhur leh a ruk thei ang berin inkal  ang a,  mihring tupawh  intheih chin chinah pumpelh intum dawn nia," 


   " Ka nu leh pa chuan  rawn kal hnaih mai an tum lo em ni?"


  " Ka chiang chiah bik lo va, amaherawh chu, naktuk lam hi chuan an zawn tawh ngei che u ka ring si a ni, vawiin tut tutah chuan  an rawn chhuak peih bik em lo vang chu maw  ka ti deuh a, nge  an rawn kal nghal ang a, an rinthu zawn chiam mai ang che u tih ka hlauh vanga rawn hmanhmawh ka ni ve pah bawk a," a ti siam  siam a.



   Nu zami kan tana  a inpek zawhzia  ka ngaihtuah chuan, atan eng nge maw tal han tihsak thei ila  aw...tiin ka ngaihtuah rauh rauh a.



   Rei rial  lovin kan insiam a, tunlai hi  favang  an hman ṭan tawh hlawm avangin mi feh pawh an tlem pharh tawh bawk a.


  Kawng pangngaiah pawh kal ngam mang lo chuan  kawng bo lo tawk si chuan feh kawng hrulah kan kal  ve mawp mawp mai a.


   Nu zami  amaha kan kalsan chu nuam.lo hi kan ti ang reng khawp mai a, mahse tihngaihna  dang  a awm bawk si lo a ni.


    Chutiang zela  kan kal chuan  kan awmna  khaw dai hnai maiah chuan kan chuang chhuak ve ta hlawl  a, chuta tang erawh chuan  chawl.muang hauh lovin, chhim.lam.panin kan kal ta zel  a.


   Ka rilruah chuan thil pakhat  a rawn lut zawk  a,  ka ṭhianpa  Makthanga  Zopui  khua  kha  ka hre chhuak thut  mai a,  ani hnen chu pan ta vang vang mai ila,  ani chuan  min phatsan hauhin ka ring ta lo va.



   Tuna  kan kalna  kawng hi  an khaw lam kawng chu  lo ni mial se tiin ka ngaihuah rauh rauh a,  chutih rual chuan  Thangtei chhungte  hmuh  hlau leh  midang pawh  hel chung zel chuan  kan kal a ngai si a.


  Thangtei chauh  ka hlauhpui  avang chuan  ka chawlhpui zeuh zeuh bawk  a, kan feh thawmhnaw  kha  hlip duh lovin, kan thawmhnaw ṭha ho chu kan ak ve am mai a.


  Hetih hun laia Zo khaw kar kawng hi chu a la reh ṭha raih raih ṭhin khawp mai, chuvangin keini pawh chu  fimkhur  lutuk lovin kan kal ta zel zawk a.


   Tlailam thim hma deuh chuan khaw pakhat kawt chhuah hi kan chuang chhuak hlawl mai a,  chuta  pitar  deuh hlek leh  nula  pakhat lo chawl chu  tim deuh dai chung hian  ka va pan hnai a, anni pawh chuan hmela ṭi deuh hlek chung hian min lo en ve reng a.


  Tawk lawk aw.  Ka ril aṭam ve tlats.

KA TAWNHRIAT By T mawii

(TRUE  STORY)
Kan naupan lai ti ve khanglang ila, keimah ngeiin ka tawn, tun thlenga ka la hriat chian em em, hlauhna chang pawh hrelo a mak ka tihtawp theih siloh chu...
Tu pawi kan sawi em lo ang chu maw,?
  Kan khua ah High school ala awmloh vangin Bungzunga ka pu te bulah cl-9 zirin ka zu awma, an felin min duat a, nuam ka ti thei hle. Room pawh an inkil ber pindan, thengthaw nuam tak mai mualzawl an ah ahran thlapin min siam sak a, ka lungawiin ka pi leh pu te pawh ka duat thei ve khawp mai, ka pu (ka awmna pa ) hi primary skul ah head teacher senior niin kohhran upa ani bawk a,  an sikul leh kan sikul pawh a inhlat lova, kan kal rualin kan bang tlang fo țhin ani.
       Nikhat chu ,kan chawhma bang kha ka pi in tui alo lum sa a, chhun thingpui tur ka siam thuai thuai a, kan kawmchhak a ka țhiannu Maremi hmu turin form ha chungin ka tlan chho vut a, chutia kan varanda pela step ka chhuk thla, kan tual ațanga huan luhthlakna tur kawng awm, lungțhil awm naah chuan, mi pakhat kamis uk tawhlam leh kekawr dumpawl hlui lam tawh ha hi alo zung mek a, bata slipper abun bawk a, kan khua Khuanglenga ka mi hriatchian tak mai anih vangin ,tlan pahin ka bia a," Ka pu, inchhungah lo zu lut mai rawh,ilo kal reng ani maw? Thingpui ka siam sa veka, ka pi leh pu an awm, minlo in san ru, Maremi hla ka pe ve duh sia" tiin ka tlan pah a, chu pa chuan ahmalam chhawn chiah lovin asir deuh hian minlo en zawk a, ka hrechiang ngei mai.

    Tichuan, chawhnu kal turin Maremi nen kan inah kan chhuk a, ka pu in," mawii, tunge thingpui ina i sawm kha " min tia, " ehh ka pu Aiseia mawle,alo lut nange ,ka ti mai a, lutlo anih hi ati ve mai bawk a,.
chawhnu chu kan kal ta a,.
      Chuan anaktuk ka chawhma bang khan ,ka pu Rolunga ka hmu leh a,Kan AO kid ania, "Pu ,ilo kal ani maw? Pu Aiseia pawh alo kal a,hawrual ula," ka ti mai a, awiii ahawi phawk nasa ta mai, ka hrilhai letling lutuk a,
  AO in min tir tlat a, vawin hi ipu Aiseia ruang ni asin le, khawnge i hmuh a, min tia, Ka awmna pa chuan alo hrilhfiah nghal bawk a, nimin tlai thim rual khan I pu Aiseia chu athi asin, an ti mai chu ka hrilh hai ngei mai, ka lo chibai lo kha ka lawm hnuhnawh hle mai..( hehee) chibai ila chu ka vuan hit nguak awm sia.

By T Lalrin Mawii.

Real Love Chapter ..4 by Tmawii

REAL LOVE 💙

Chapter..4.

By T mawii.



    Hun engemaw chen chu  kan hlim ve leh ta phawt chu a nia, eng chen tak chu kan hlimna  chuan daih ang maw le?


   Tukṭhuan kan eikham chuan  muang changin kan insiam a,  ka thlenna  nu pi  Hrangzami te in lam  pan chuan kan phei ta a;  kal kawngah pawh chuan  inkai rial lo chuan kan kal thei lo a ni ber e.


   Tunge min dem thei ang, he ka mikhualna  ramah hian  Rina lohva uibuk sa  tih ang maiin, ka khawvel tikimtu leh  damchhung  kawppuia tan  ka thlan  Thangtei, (Rothangliani)ngei chu  ka beisei loh lutukna  hmunah  ka tawng  leh miau si alawm.


  Kan chanchin hre lo chuan duh leh min lo dem mai se,  a hria te  an lo awm ve mial anih ngai chuan  tu'n  min sêl phal hian  ka ring  bik lo a ni.


   Thangtei ngei paqh hi  he khua hian an la hmelhriat tlem.hle mai a, a chhan chu  a leng chhuak ngai lovin rual a pawl  tlem em  em mai  a,    an ṭhenawm hnaivai  tlem te tih mai loh chuan  hria lah  an awm hek lo;  a hre chhun te hnenah lah chuan  mi nupui  pawmlai angin a lo la insawi  zui bawk nen, inleng leh rimtu neih chu  khawi lam  riangvaiah  a ni  hawt mai.


   A nihna  a sawi  duh dan aṭang hian  mipa  dang  a hawi lohzia  chu lang chiang hle hian  ka hria  a, ka lawm hle rualin ka lainat ngawih ngawih  tho bawk;  damin min tawng leh dawn nge dawn lo hriat laqk hauh loh karah, kei ve  mai mai hi  min lo la.pasal chei ve ngar ngar  chu a ni tak si a.


  Thangte  ka hmangaih che, tiin ka phun chhuak sap nghe nghe  a.


   Kar lovah  ka  thlenna  nu Pi Hrangzami te in pawh chu kan  thleng  ta thuai  a,  ani pawh  in lama  a awm ni tak lo niin,  a fanute pahnih  erawh  an tualzawlah chuan  an ṭhiante  nen  an lo inkawibah lauh lauh  thung  a.


   Nu Zamin min hmuh chuan min lo chiauau nghal vat vat  a.


  " Kha  Valte, i lo haw ve tawh a ni maw?  Chhun lai laiah lehnghal engtizia nge ni, i nuam lo lam zawk chu a ni em lo maw?"  a lo ti duah  a.


   Nuam e  ka nu, ka ṭha a nia  ka tih lai chuan  Thangtei chu lo inrawlh vatin:


   " Ka nu, Valtea  hi  nimin ruah sur  vang lai tak khan  a khawsik  chungin a rawn haw a, ruah leh rial lah kha  a tamin a nasa  bawk si,  inhnai ber  tih takah  kan inah  a rawn chawl hlauh  mai a;  a khua  a sik nasat  em vangin  nizan chu  rawn haw lovin  kan inah  a riak ta nghal  a nih kha,  amah  tak hi chuan  eng teh chiam mah  a hriat  pawh  ka ring  mang hlei law, a khawsik sang  lutuk kha  a ṭawngvai bual bual reng a;  a chang leh  biak theih lohin a awm leh zeuh ṭhin bawk nen, min ti thlaphang  tak tak  a ni,"  a lo ti bawrh bawrh  a.


   Thangte, i uar  lutuk, enkawltu  ka nei ṭha em a,ka uang  a nih kha,  ka lo ti zauh  a; Nu Zami bawk chuan:


  " Valte, chutiang te chu  uan thawhna chi pawh  a ni ngai hleinem  maw le,  engah nge maw hetah i lo tlang zawk  loh chu aw...mi chhungkua  kan tibuai  nasa  dawn hle  a lo nih chu,"  a lo ti  leh bauh  a.


    " Min  tibuai awzawng  lo mai,  ruah khan  a rawn um lut lovang tih hial a nia  ka hlauh zawk chu ni,  ruah kha  sur lo se chuan keini  inah tehlul  a rawn chawl awm tawp si lo va,"


   Nu Zami chuan Thangtei lam chu hawiin,


  " Thangtei maw i hming  kha, hemi khua  hi i nih hmel ve tho si a,ka va hre  chiang lo che ve maw  aw...ka vak chhuak lovin rual lah hi ka pawl hman der mai si lo va, khawi lai nge maw in In awmna  awm vel chu ni reng  a le, i nu leh pa hming emaw tal chu han sawi la, khaw khat ta nafam chu hriat ve mai awm tak,"


   " Ni e, Nu Zam, kei hi hemi khua tak hi ka ni bik lo va, min hriat loh pawh hi a awm lutuk a nia,  chumi kha mi khua chu ka nia, tin, tuna ka wmna hi  ka nu nuṭa ka pute in a nia, ka pu hming  chu  Kapliana,  a nupui chu  Nubuangi  an tih mai ṭhin kha  a ni e," Thangtei chuan a ti fel thlarh  a.


  " E khai, hre tuk e, i nu pawh ka hria  alawm maw  aw,  a lo nih tak chu a, engtia  Valtea dam lo chu nangni ber kherin in lo bawihsawm chu ka va lawm teh lul em.! In inhre sa hial em ni zawk chu le?"


   Hre sa a, hre sa lo bawk  a ni mai ang chu ka lo ti bauh a; Nu Zami chuan *eng nge  a awmzia*  a lo ti deuh ha  thung a.


   Thangtei va melh ralh pah chuan  ka mitmei chuan ka va râwn a,  a lu a lo buk nghat nghat takah chuan  ka thlen In, nu Zami chu thil awmzia zawng zawng  hrilh law law  chu  ka tum ta  a; nu Zami chu rawn harh chhuak thutin:


   " Khai Valte, ti rawh u i ṭhu phawt teh ang u, ka lo phul leh hlut mai ṭhin a, inkaihza te a kham zo tawh ang chu maw le,"  a rawn ti tlai khawhnu leh  ta a.


  Kan nuih  ham ham hnu chuan inchhungah chuan lutin ṭhuthmun kan rem a, titi bul chu kan ṭan ta a.


   Ka nu, ni e  keini pahnih hian chanchin tih tham deuh kan nei tak a, khawiah chhuak leh suh se la, a chepakai aṭang aṭangin kan hrilh vek law law ang che aw...tiin  kan hma  hun kal tawha  kan chanchin chu  ka hrilh  malh malh  a.


   Ngun fe mai hian nu Zami chuan a ngaithla dauh dauh a, a khat tawk hian a rawn insût leh hraih ṭhin a,  a ngaithla uluk mah mah ni tur a ni; a mittui chu  a hru leh zauh  ṭhin bawk a.


   " Tih theih ka neih phawt chuan in tan engpawh  ka tihreh hauh lo a nia aw Valte," a rawn tichhuak ta phawng mai reng  a.


   Chumi ni chu kan kawmiti (Committee) nileng deuh  thaw  hi a ni ta hawt a.


  Thangtei pu te chu kar leh lama  lo haw tum chauh an ni bawk a, chumi hma chuan keini pahnih  pawh chu  engtia lo awm nge ṭha ang tih leh,  an lo haw hnuah engtin nge niang tih thleng chuan kan sawi ho a, nu Zami chu a ṭhahnem ngai ber berah a la ṭang zui ta  zawk  a.


   Thangtei pute hian an hnena  Thangtei awm chhan hi  an hriat loh chuan  thil  a awlsam sawt  ang a, Thangtei nu leh pain an lo hrilh  a nih hlauh chuan,  a pute lo haw laia  keini  lo la awm fo chu  a fuh dawn hauh lo  thung  a ni.


   A upa  ber  nu Zami chu lo ṭawng chhuak lehin,


  " Valte, ka sawi ve tur chu  a awm hauh lo nain, ka fapa  neih chhun ang maia  ka en che  avangin ka ngaihtuah em em che u a ni.  Eng nge ni in pian hma  thil leh  inhriat  ve hauh  si loh  chu nangnin heti taka  nasa a in lo la tuar zel ang ni le?



  Kei zawng  ngai ka ti tawh hauh lo mai le, chuvang chuan  Thangtei pute  lo haw hma chuan in nupa hian  hlim takin lo va  awm u la,  amaherawhchu  mi mitmei veng ngunin, mi hmuh tur chuan vak chhuakin inpho lang tam.lo hram u la  ka duh  a ni.


   A pute  lo haw lai velah erawh chuan  nang chu  hetah lo haw phei la, an boruak azirin leh  a ṭul dan ang zelin  hma chu kan la ho  ang chu;  nangmahni zawk hian eng nge inngaih dan ni zawk le?" a ti dap dap a.


    Nu zami ṭhahnem min ngaihsak dan leh min duhsak danzia  ngaihtuah chuan kan hnuk te lam lam ati ulh a,  a remruat dan aia ṭha han rawt mai tur  kan hriat chuan loh avang chuan  ṭha titlang takin kan pawm ta phawt a. 


  Tlai lam   ei rawngbawl  a hun chuan:


 " Valte, zanin tlai chu hetah chaw ei ang u aw, Thangte  nangpawh  inthlahrung hauh suh ang che, khawinge  archaw ka pe ang a, kan arla  tui lai ngat kha lo perh thluk tum teh Valte,  chuti taka ka bawihsawm pawh hlawh lova in lo buai chu, inthla hualna  pawh a ni pah fawm ang chu,"


   Nu Zami rilru ṭhatzia hi chu aw,  kei khawi lam fahrah nge tih pawh a hriat hleih loh, heti tak  maia  a fa ang chiah a min en a, min lainatna ringawt pawh hian ka nu min hmangaihna  kha min hriatchhuahtir a,  ka lung lam lam a chhe lek lek mai nia maw  le.



  Tlai lamah  zanriah puar taka kan kil hnu chuan thingpui  sen chuan kan khahchhilh leh thlap a, hetia kan awm chhung hian Nu Zami fanute pahnih  pawh chuan Thangtei chu an lo ngaina  hman hle  mai bawk a;  Thangtei hian naupang chhawnchhaih hi  a peihin  a inngainattir thuai mai reng  a ni.


  Chutia naupang pahnih nena an lo inngaina hman viau mai chu  nakinah engti takin nge kan la chhawr dawn  kan hre lawk hauh si lo va.


   ***********

  Chutia  kan awm mawp mawp lai chuan hriat loh karin  Thangtei pute lo haw pawh a hun ta reng mai le, awmhran leh chu hreh teh mah ila, lohtheih lohnain min nang ta si a,  kei chu  nu Zami bulah chuan  ka awm phei leh ta nge nge a;  lo lamah te fehin  a chang phei chuan zan hnih khat  ka riak chhuak  bawk ṭhin a, nu Zami chuan lehlangin  min pui ṭhin bawk  a; chutiang chuan  an lo pawh chu kan thawk kaw ve ta duak tawh  bawk  a.


    Thangtei nu leh pa chuan a pute hnenah chuan kan chanchin an lo hrilh vek mai chu niin, engtin tin emaw ni  kei chu  chu khuaah chuan ka awm ve tih an hre ta tlat mai a,  Thangtei chu  kan khaw lama  thawn haw mai  an tum hi a lo ni a; Thangtei mangang lutuk chuan  kan naute pahnih chu  an inlamah hruai pheiin, thil awmzia chu  fiah takin a rawn hrilh  dap bawk  a.


   Engpawh nise  nu Zami remruat dan ang chuan kan kal phawt a ngai dawn ta a ni.


  Kei chu haw tawh angin ka thang  ang a, chu chu  Thangtei chhungten an hriat chuan  an hawtir  phal hauh dawn lo va,  chutak chu kan tan a remchang tur chu a ni ve thung  dawn a ni.


   Nu Zamin kanmamawh tur chu ram  lamah a chhek sauh sauh  mai a, kei chu riak tura  kalin  Thangtei chuan min rawn zawm dawn a ni.



Ka ril a ṭam tawh em mai a. Chhiartui u le.

Real Love Chapter 3.By T mawii

Real Love, chapter 3 By T mawii.
Quote
Share this topic on
Unread post  April 25th, 2019, 2:54 pm

REAL LOVE.💙

Chapter 3.

By T mawii.

Khatia kan chhungten min pawt ṭhen ta kha, ka nu leh pa awm tawh bawk si lo nen, kal tumna bik em em pawh nei lovin ka Arkawh chhuah ve tawp kha a nia; chutianga kal zel chuan tuna ka awmna khua hi ka lo thleng ta hlawl mai a.

Veng sir deuh hleka in ṭha vak lovah hian thlen ka dil ta tawp mai a, an lo phal mai ni lovin, an lo ṭha em em zawk a; ka thlenna te hi Hmeithai chhungkua niin fanu tleirawl ve ṭan ek ek pa 2 leh mipa naupang kum 9 mi vel hi fa a nei bawk a; mipa puitling an awm lo thung a ni.

Chutiang chuan kan inhrawn ve ta nawk nawk a, remchang a awm tak leh Sikul luh leh hun chuan zirtirtu hna te dil ve ta mai mai ila ka ti deuh kha a ni; tuna tan erawh chuan ram lam hna a ṭul apiang ka thawhpui hrih phawt ta a nih hi.

Ramhnuai ngaw leh vah loh thing ding khup mai ka feh turin ka kal pelh changte hian ka lung a leng thei em em mai a. Thangtei nena kan sulhnu ni chiah lo mahse, hla thu ka rilruah lo lutin ka ngaihbel chawpa; lung leng deuh mai hian ka zai leh rut rut ṭhin a.


*_Ka rawn fang leh hmana kan ṭuanna tlang_*,
Ṭuahpui leh Vau an vul leh ta;
Kan sulihnu khuarei an chang zo ta,
Hring leh thar hnah nemten lo bawm.

Tawnmang em ni lunglem ka nei lo,
Ka hawi vel a ka tawng si lo;
Zûn leng erawh a châm ṭanglaiah;
Luah loh lung d nghilhni i awm lo.

Ruah a sur cherh cherh a.

Engti kawng pawha kan chhungte'n an pawm theih ngai loh tur leh, chintawk awm miah lo va ka hmangaih leh min hmangaihtu ni bawk si, Thangtei nena kan nunhlui leh ṭuanna mual vel chu rilru-in ka fang a, khita hla thu khi sa zel chungin; namen lova lunglenna chuan min rawn zem nghal chiai chiai a.

*********~~~~*******

Ka ram riahna aṭang chuan haw-in, kawng chanve aia tam mah ka kal tawh ang tihah chuan, chhum dum chhah pui pui rawn let but butin, khawpui ri der der karah chuan rial a rum hum hum a, a khat tawk a kawlphe leh Ṭek rawn tla puak ṭhuai ṭhuai ṭhin chuan tum lo teh mah ila min tiphu leh zawk zawk ṭhin a.

Ramhnuai puk emaw Thlam han bik bo maina tur lah chu avâng phian mai si a, thli lah chu a thaw vuk vuk reng mai bawk nen; thawk leh khatah thli chu a rawn na thut ang chiah khan a zawi leh thut a, a tama tam mangkheng hian rial chu a rawn tla ve ta thung a.

Ruah pawlh mang loh rial sur chu kawng velah chuan a var tiar tuar mai a.

Khawinge maw mipa ka nia lawm ti chung chuan ka Ipte pui chuan ka lu ka tuam a, theihpatawp tak meuha chak chuan ka kal ṭauh ṭauh mai a; huh zawr hnuang leh huh kim dup chung chuan khaw pakhat, ka va awm lailawkna chu ka kal thleng ta hlawl mai a.

In lo awm hmasa ber bathlarah chuan dingin, an disap so bulh mai khawpa chhah tulh mai hnuaiah chuan vawt tih luat vanga khur bauh bauh chung chuan ka ding a, he khua hi ka awm ṭan ve chauh a nih avangin tuna ka dinna in hi tu in nge tih takngial pawh ka hre rih lo va; a chhunga luh lah ka dil ngam hek lo.

Ka thlen chin apiang chu a huh zeih zuih mai bawk si a, tu khaw kha-in nge chutianga huh hnuang mai leh khual tlangval mai ni bawk si chu an ṭhutna fai ṭhaah chuan min ṭhuttir duh tehlul ang ni?

Inchhung lam thawm lah chu a reh ṭhiap ang lawi a, rei mawi tawk tak ka din hnu chuan chhung lamah chuan ke pen thawm a rawn ri thlap thlap a; kar lovah kawngka pui chu a rawn inhawng ta mai a.

Hmeichhia a ni..!!

An sumhmuna huh zawr hnuanga lo ding, hnathawh thawmhnaw nen ngat leh nghal, ka beisei loh tak maiin chu hmeichhia chuan min rawn be ta tlat mai le.!

" Inchhung lamah rawn chawl lut ta che, thli leh ruah lah chu a thawk nasa mai si a; lo lut la rawn inhem lum ve rawh khai,"

A aw ri ka hriat rual chuan ka sa pup pup a, awmngaihna hre mang lo khawpin ka dang lam teh reng a nih chu; ka hamhaih lutuk a reh deuh chuan zawi muangin ka inher a, chu hmeichhia chu ka va hmachhawn ta a ni.

Min hmu phut chu kei aimah chuan a hamhaih nasa zawk lehnghal a, mahse rei a hamhaih lo. Ka inthuamna ṭawp leh bal, huh zawr hnuang mai chuan atan awmzia a nei lo va, ka inrin hma chuan min pawm thlawp a, engmah dang sawi thei lovin leh lawm luat avang chuan a ṭap ta hlawp hlawp a.

" Tlangvalte, nang hetah maw..!!"

Ka ṭawpa ka balhna leh huh zawr chuan atan awmzia a nei lo va,keimah kha keimah ka nih vangin atan ka tawk a ni; ka duh leh duh loh pawh min rawn hmasa lo chuan inchhung lamah min nawr lut nghal a, pindan lamah tlang nghalin ama puantah ngei mai chu rawn la chhuakin, ka thawmhnaw huh chu min phelhsak sawt sawt a.

Tapchhaka tui lum a lo chhuan sa chu siam nghal vat vatin tui dehna lamah chuan min hruai thla ta nghal a.

" Tah khan inbual mai rawh, lehlam ka lo hawi dawn nia,"

Engmah han hnial leh duh lohna hun a awm lo, a mi tihdan ang ang chuan ka awm mawl ve ta tawp tawp a, ka inbual chhung chuan Sumhmun lamah ka thawmhnaw huh leh bal ho chu a la va su fai vek bawk a, tapchhakah chuan a hem ro tumin a lo buai nasa mai chu niin; ṭhutthleng lian deuh ho chu saisirin a lo bang ṭhap mai a, ka hnathawhna erawh chu sukfai sa in sumhmun tlângbanah chuan a khai hil thung a.

Ka kekawrte chu fu taka sawrin amah ngei chuan meiah chuan a lo hem sat sat mai bawk a. Tui lum sa ver vawra ka inbual zo chu ka taksa na leh sil lutuk chu dam sawng sawng hial hian ka hre nghe nghe a, a puan min pek chu vengin tapchhak mei lum chu ka pan chho ve ta nghal a.

Khua a thim lek lek tawh a, ka thlenna inah pawh chuan kal phal ta lo chuan amah chuan ei min rel kep vek a; zan pawh heta ka riah tur thu thlengin min hrilh thlap bawk a.

Khawi maw ka kekawrte chu keiman ka lo hem ve ang e, e khai i lo hem ro deuh thaw tawh a nih hi, hetiang chu han ha ila, kan pangti lumah a ro zui ve mai ngai e, ti a hak ka tum chuan a phal ta tlat lo mai a; amah vek chuan hem zui lehin, ka puan ven bak ama puankawp lum ngei chu va la-in ka taksa lamah chuan min tuam belh leh ta bawk a.

Mei lum bulah chuan chawei chu siam nghalin, uluk taka a ei tur siam chu kan ei dun ta malh malh a, rilru leh taksa hi a dam sawng sawng mai nia; chaw kan ei kham thleng chuan a chhungte hmel reng reng a lo lang ta si lo va, engtizia nge ti a ka zawh chuan:

" Tlangvalte, ka chhungte awm chu i duh zawk em ni? Hei hi ka nu unaupa ka pu in a nia, anni chu Khaw danga kan chhungte tlawhin Pathian ni hmang turin an kal vek alawm le; kar leh lamah lo chuan an lo haw mai lo vang, engtizia a helam lama ka hmuh teh nawlh che chu ni? Ka nu leh pa khan khuaah i la awm emaw tiin hetah hian min zin luihtir tlat a; nang hetah i awm tih chu hria se min kaltir phal awm tawp si lo va,"

Khatia nang an lak kir leh che khan, nu leh pa chhungte tu mah an awm tawh bawk si lo va, engmah pawh ngaihtuah fim hleithei lovin ka vak chhuak ta tawp a, he khua hi ka lo thleng ta a ni; a remchang apiang thawkin ka awm ta a, eng pawh ti ila, nang ka ngaihtuahna che lah a reh thei ta chuang si lo va nih hi.

" Tlangvalte, keimah vanga i tuarna hi ava nasa tak em.! Engah nge maw kan nu leh pate khan hun kal tawh leh thil hlui, keini pian ve hma daiha mi chu hre reng a, keini thlenga min tuartir tak chiam mai ni aw...

Kha tah khan e, nau ka lo keng hman si a, mahse i bo tak vang vangah khan ka rilru na leh mangang, chaw kawpuar eithei bawk si lo kha ka chhe ta tawlh tawlh mai a, kan pahniha kan fa chu humhim tum eltiang mah ila, ka taksa chhe chak lutuk nen; kan fa chu thla 3 ṭha awrh a nihin ka chhiat ta hlauh mai a, a va na tak em Tlangvalte nang lah hmuh tur i awm der bawk si lo va, ka mangang lutuk khan dam reng reng ka thlahlel hek lo."

Chutiang thil chu eng mah ka lo hre bawk si lo va, Thangtei ka khawngaih lutuk chuan ka kuah thlawp a, engmah dang sawi thei lo chuan ka fawp ta vawng a, ani pawhin min hnial lovin a thiam dan ang ang chuan min lo chhang let ve bawk a.

" Vawiinah i hah nasa si, ruah i do lehnghal bawk nen, i dam lo palh hlauh dah ang e; i mu lum vat ang aw,"

Kan mu tur chu ka lai deuh hlek a.

Thangte khawiah nge ka mut ve ang le? Tapchhak meilum bulah hian tlu zâl ta mai mai ila, a nuam zawk phian mai lo'ng maw; mikhual tan chuan a la ṭha lutuk mah zawk ang chu, ka tih chuan angaihdan a ni lo nasa mai a.

Khum lamah chuan min kai lutin,

Mihrang midang pawh kan ni lo va, zanin chu ka mikhual tluan parh dawn che a ni, hun khirh leh harsa keimah vanga i tawhna zawng zawng thawi dam thei lo mah ila, tlem tal pawh ka chhawk ve thei mahna che; hawh lo kal rawh hetah hian i mu ang.

Lei danah mi hrang ni rih mah ila, ka thinlungah hian ka pasal duh tak i nihna hi a reh ngai lo vang a, nang nen hian kan rem thei ngang lo a nih pawhin, pasal dang neih ka tum reng reng lo; inthlahrung hauh lovin ka pasal bulah ka mu dawn a ni."

Thangtei nen chuan inkuah rialin kan mu a, ka awmah a lu dahin a thaw lum ham ham chu ka hre thei a, ka kut lehlam chu lukham tirin, a lehlam chuan nghet takin ka kuah chial mai a.

Chutia mipa leh hmeichhiaah pawh induh tawn tak mai, inngaihzawn mai duh tawk lo va nupa hiala lo insiam ve tawh ta chu, chuti ngawta nungchang ṭha chuan kan awm hle hle thei ta hauh lo mai a.

Inthlahrung ang reng taka ka che sek chu Thamgtei chuan lo hre thiamin, amah ngei pawh chuan insum har a lo ti ve hle mai chu niin, hemi zan zet hi chu insumkarna tel hauh lo leh mahni inthiam chawp chuan kan inhmangaihna chu kan chen dun ta a.

A taksa mam han mai leh keimah vanga a tuarna, a awmbawr kawh lah mai ṭhin lo vuai ta deuh pawh chu ka hmangaihna tizualtu an chang zo ta; a awmbawr vuai lek lek tawh, kawrhnuai chhah hmanga a hliahkhuh hram hram ṭhin chu hlimsakin, dim leh duat zet mai chuan ka fawhsak ner ner a; ani lahin a thiam tawp chuan min lo chul kual ve ruai ruai reng bawk a.

Thangte, kalsan che hi ka duh tawh lo a ni, i tel lo chuan ka nun hian awmzia a nei chuang si lo va, i tel lohna ka nun ram chau tak mai hi tunah chuan tih tharin leh siam tharin a lo awm leh ta a nih hi; inṭhen tawh lo'ng aw Thangte, ka tipah mawlh mawlh a.

" Tlangvalte ka hmangaih che, i ta nih kumkhua hi ka duhaisam ber a ni e," a ti malh malh a.

Inlungrual leh inpe tawn zeta kan nupa nun kan hman zawh chuan ngaihṭha zeta inkuah chial chung chuan kan muhil ta siai siai a.

" I khua a sik nasa hle mai, i pang sat dan em em chu ka ngheng ngam dawn hleinem che le,"

Thangtein a tih bawrh bawrh chuan min tiharh a, harsa ti zet a meng chhuakin,

Ka tui ava hal tehlul em Thangte ka ti tham ṭuak a.

Ka hrawk chu a ro hulh mai a, vawt ka ti lutuk chuan Thangtei tho chhuak tur chu ka kuahbet leh ṭawk ṭawk a, ani pawh chuan min hre thiam takin min kuah let ve sat sat a.

" Tui chu ka va suahsak lawk ang che aw,"

Tui ai chuan helai hi ka duh zawk tih leh a hmui fawh chu ka rual zat a, ka kut chuan a awm chu ka dap pah den den bawk a.

Mahse ka dang ro lutuk chu ka hrawk zain ka khuh ta bawrh bawrh a, ani lah chuan ka kut vawt thlur mai leh ka pang sa vur mai si chu mangang tak hian min kuah leh tawp ṭhin a.

A tui suah tui titaka ka lem khawlh khawlh chuan ka kawchhung sa huam.mai chu a tidai thla vawng vawng hian ka hria a, mahse chutia tui vawt ka in vak avang chu nge niang, namen lo hian ka tlun ta chiam mai a; eng nge maw chang phei chuan biak hleih theih lohvin ka lo awm hial a ni awm e.

" Tlangvalte tlangvalte, awi Thanmawi harh teh harh teh, ka duh thei lo Hrangthanmawi harh rawh," ti a ṭap chunga min au vawn vawn hi ral hla takah chuan awm hian ka hria a, chhan ka tum pawh chuan ka lo au chhuak thei bawk si lo nen.

Nasa taka ka au vak vak hnu chuan aw tham chhal mai hian ka au chhuak ta hram a, ka au nasat ngaihtuah chuan ka au chhuak zawi hle mai, chutia ka au chhuah pawh chu zawi tê a eih ang chauh hi a nia, amaherawh chu ka harh phah ve sawt thung hian ka inhria a; Thangtei chuan beiseina sang tak nen min lo ko mawlh mawlh a, min sawi nawk nawk bawk a, ka lo harh chhuak ve ta a ni awm e.

Tlangvaltea hi ka hming tak chu Hrangthanmawia a ni a, *Tlangvalte tih hi ka pu hlen ta deuh ber a, mi tlema zawng erawh chuan ka hming bung *Thanmawi* tiin min ko ve zauh zauh an awm bawk.

Chutia ka harh leh a ka hmuh hmasak ber chu Thangtei mittui tla phung mai leh a ṭahnuih titih chu a ni a, ani lah chu lawm luat leh a manganna mittui inpawlh vek chung hian min pawm chawt mai a, ka mut la chhuak lutuk muhil leh tur lah chu a phal tawh der lo lehnghal a.

Lawks, rei lo tê chiah aw Thangte.

" A ngai lo, muhil lo vang, inti harh htam hram teh, ei tur ka rawn lak sak dawn che nia," tih pah chuan a puan huh ken chuan ka hmai leh chal vel chu duat deuh mai hian min dep kual den den reng a.

Kei pawh ka harh tawlh tawlh a, ka harh chian meuh chuan ka lo harh loh chianzia ka hre chhuak ve ta chauh a, Thangtein ka muthilh leh a phal lo pawh kha tih awm tak a lo ni zawk; muhil leh na ila zawng thihna muthilh pawh a ni tawh mahna le.!

Rei vak lo min kalsan zawk hnu chuan thleng kum, a chhunga a thil dah inkhak ri deuh raih raih chawi chuan a lo kir leh a.

" Kha hei tal hi ei zawh hram tum teh, engmah hre lo leh ei lova i awmna a rei tawh si, hemi i ei zawh chuan i duh leh i muhil leh dawn nia; i eitur dang ka siam chhungin," tih leh ka lu chu amal chungah chawikan a rual nghal zat a.

Valrianga hi ka dam nghal sawng sawng mai.

Ka thil ei chu Zo Artui chhum, hmin lutuk lo va chhum hi a ni a, (sapṭawng inti thiam deuh chuan half boil anti leh ṭalh ṭalh pek ang chu hihi)

Rei lo te pawh Thangtei min kalsan chhung chu a rei hma ngei mai, chutia ka thil han ei ve ta deuh chu kar lovah ka lo muhil ta siai siai a, mawi tawk tak ka muhil tawh ang tih chuan ka chala hmui lum thar tharin min rawn chuk zeuh vang chuan ka harh ta hlawl a, meng chhuak chiang hlei lo chuan ka han ban de de a, Thangtei hmaiah tak chuan dap fuhin ka kuai kun a, lungchim tak chuan kan infawp nghal ta vang vang a.

Eng pawh nise Thangtei ka tawng leh tawh a, ka nun chu hlim khat chuan a hlim a ni; he thawnthua an dinhmun ang hi chang ve ta la, aw chhiartu nang engtin nge i awm ve ang le?

Kan hun tawn a khirha, a buai a, a harsat zawh poh leh hmangaihna tak tak hi a rawn lang chhuak ṭhin a ni.

RealLove chapter 2. by Tmawii

Real Love, chapter 2 By T mawii.
Quote
Share this topic on
Unread post  April 24th, 2019, 7:53 pm

REAL LOVE💙

Chapter..2.

By ..Tmawii.


Thingpui tuihnai tak mai leh Buhban fai âwm hmin ngat mai kan ei lai chuan kan ngawi ṭhap a, chutah ka pa chuan a duh tawk ngah hmasa berin:


" Ka puar ta hle mai, i nu'n uluk taka ei tur a siam hi chu a tui ṭhin teh e, puar tak khan ei teh Valte," a ti dam duam a.


Kan ei leh inna ka nu'n a seng fel hnu chuan ka pa nen chuan kan la ṭhu muang ta fo va, eng tak chu min hrilh a tum ni maw tiin ka ngaihtuah ru nauh nauh a.


Chutia ngawi renga kan ṭhut hnu leh ka nu kal liam hnu chuan ka pa chuan a sawi tum tak chu a rawn ṭhet ṭan ta a.


" Valte, tuna i bialnu hi ṭhen dawn ta ang la, i na viau ang em maw chu?" a rawn tichhuak phawng mai a.


Pa, engati nge?


" Engtidang vak ni lo ve, thawnthu sei tak sawi tur a awm a ni, nang chu i la.pian ve loh avangin engmah i hre hman lo va; thiam lohna lah i nei hek lo, mahse i theih hram chuan Thangtei hi ṭhen la ka ti khawp mai thung a.

I ngaihthlak peih dawn chuan ka hrilh ang che,".


E khai, pa sawi ta che, ngaithla peih lutuk e, kimchang deuhin min hrilh law law dawn nia ka lo ti thuai a.


Ka pa hi pa zaidam tak mai leh ṭawng tam vak lo a ni roh va, a tih tawh vek erawh hlen chhuah tum bur mai mi a ni thung a. A thinrim zen zen lo va, a thinrim ve tawhna erawh thinrimna âwm tak leh thinrim tak a ni thung a, zaidam thin thawk an tih ang deuh hian a thinrim chu nasa ve tak a ni thung ṭhin.


" Khai aw Valte, lo ngaithla rawh le, ka han sawi mah ang e aw,"


Pa ka inpeih e.


" Hman lai ti ve tawh mai ila, rambuai lai thil daih aṭangin ka ṭan teh ang, a sei deuh dawn a, a karah zawhna i neih chuan min lo zawt dawn nia; ka'n sawi zar zar tawh ang e.


Kan unau hi mipa pa 2 leh hmeichhia pa 2 chauh kan ni a, i pi leh pu hian min damreipui vak lo bawk nen, unau inhmangaih tak mai kan ni bawk a, rin lawk loh tak maiin a naupang zawk kei chuan nupui ka nei hmasa ve tlat mai a.


Dan khatnaa neih duh viau mah ila, kei a nau zawk ka nih mai bakah i nu hi an unau hmeichhe pathum zingah a naupang ber a lo ni ve zel nen; inruk mai loh kha chuan ka palai te kha an beidawng ve tlat tawh si a ni.


Aw le, ka u chiah mipa chu Ramhnuai sipai(mizo sipai)ah kal a duh ve tlat mai si a, kan khap viau nachungin khap beh tak tak theih a ni bik si lo; kan phal lo chung chuan a zawm ve ta poh a.


Hun enge maw chen chu pangngai taka nung chho vin, kan khaw lam an rawn hnaih chang pawhin an lo haw ve mai ṭhin a, mahse a lo rei a, India sipai lam an hrohrang a chhe tawlh tawlh mai nen, a buaithlak ta fu reng mai a; ka u (Tekawnga kan ti zel tawh ang tm.) te pawh chu an lo haw hlei thei ta lo va, hun rei tak chu kan inhmu lo ta vang vang mai a ni.


Kan upa ber hmeichhia leh ka nau chiah hmeichhia tho chuan pasal fanau neiin inhrang an chang ve ve tawh a, mipa pianpui ka neih chhun a nih bakah ka u hian min ngaihtuah thei bawk si nen; ka.ngaiin ka ngaihtuah ṭhin tak zet a ni.


Chutih lai karah kan khuaah ngei pawh chuan Vai ho an hrângin Curfew leh eng engemaw a tam em em mai a, hmeichhe pawngsual leh chhungkaw pa ber khawm lah an sim duh der mai si lo; an duh zawng emaw leh rinhlelh zawng te lah ramtuileilo khawpa sawisak an tîm der lo lehnghal nen; nunphung hi a khaihlakin a ralṭit thlak thei khawp mai.


Chuti mai pawh chu duh tawk lo chuan khaw khawm an ching chho va, kan mizopui te ngei chuan min phatsanin, Kawktu-ah an ṭang vei rawl nen, kawktu ho hi an chimawmin an tawrhhlelhawm tak zet a; khawtinah an inhung fer fur mai bawk si...,"


Ka pa, eng nge Kawktu i tih chu? tiin a thusawi lai chu ka lo pawtchat lawk a.


" E a ni dawn tak e Valte, khaw khatah kawktu pakhat emaw an awm ṭhin a, a ṭhenah chuan khaw hnih/thum leh a aia tam te pawh huapin an awm bawk ṭhin.

Mahni mizopui leh khua leh tui phatsanin Vai lamah an ṭang a, India sipai ho khan Ramhnuai sipai leh sipai lo hre vak hek lo le, kha kawktu khan mahni khua leh a vela ramhnuai sipaia ṭang chu a lo hre nasa ṭhin si a; ṭawng lem lo a a kawh tawp pawhin thihna khawp chu a tling ngei ngei ṭhin a ni.


Mipui awmkhawm zinga mi a duh duh kha a kawk tawp a, chu chu sipai ho lah khan ihe lovin an mal nghauh nghauh tawh mai ṭhin a ni; a chang phei chuan Ramhnuai mi ni lem lo, anmahni hmel huat zawng tak kawh hlum pawh an ching ve zauh zauh bawk a.


Mahni hnam phatsanin tenawm taka an khawsak avang khan an dinhmun pawh a hlauhawm hle a, an hlawh pawh a ṭhain venhimna pawh an pe uluk em em ṭhin reng a ni. Mahse chutichung chuan Ramhnuai sipaiin Kawktu chiang taka an hriat chu an dahṭha hmak hmak ve zel tho va, he hna tenawm tak (kawktu) an thawh hi kawktu chhungte pawhin an hriatpui lo fo a, anmahni ngei pawhin an hna hi anzahpui ve ṭhin reng bawk a ni.


Aw le, chawlhni vawi khat chu u Tekawnga te pawh an lo haw ve mial a, kan hlimin kan lawm ngei mai. Kan Zo-ar tui lai ngat chu talhin, puar tak maiin tukṭhuan kan kil ho va, chaw eikham.lamah chuan Biak In panin kan inzui chhuak ta dam dam a. Biak In kan thleng a, inkhawm pawh kan ṭan nghal chawpchilh mai a, pawimawh dang ti zo va Sunday sikul zirtirtu hming kan lam mek lai chuan Tlangau chu a rawn au vau vau mai a.


Tumah Biak In aṭanga chhuak lo tur leh, kawngka pawh pawn lam aṭanga kalh vek tawh a nih thu te, Vai sipai an lo kal a, chu chuan an rawn check dawn thu te a rawn puang a, mipui chu kan ralkhel nasain kan ṭi hru mai bawk a; hemi ni hiann ka u te ṭhian ho pawh an rawn inkhawm ve ngei bawk si a, rilru a nuam.lo duh ngei mai.


Nakinah chuan kawngka pui chu rawn inhawngin, Vai sipai leh mizo pa hmaituam tlat mai pakhat hi an rawn lut ta nghal a, chu mizo pa chu a hawi kual ruai ruai a; chutih lai chuan ka u chu ka va en kher a, ka thawmhnaw vek a inbel avang chuan an hai hram ka beisei ru khawp mai a, amah ka u lah chu a lo ṭhu kun chal mai bawk a.


Ka u ṭhiante pawh chu pa 4 lai an awm ve tho va, mahse zâm hmel pu pawh an awm chuang miah lo mai kha a mak zawk hial ka ti. Chutah mipui chu a pawn lam hnaih bera ṭhu aṭang chuan tlar tin chu min khalh chhuak ta zel a, chu tak chu Kawktu khan ngun zet maia enin a mi duh chu a lo kawk ta chat mai ṭhin a; chu chu Vai sipai te chuan an man hmiah hmiah mai a, thu zawhfiah leh thiamthusawi engmah a awm thei ngai lo a ni.


Keini pawh a chhuak hnuhnung ber pawlah kan ṭang a, mak tak maiin ka u ṭhiante pa 3 lo chhuak chu Chu kawktu ngeiawm chuan a lo kawk ta hauh lo mai a; a hnunga lo chhuak tur ka u te pa 2 chu ngun takin kan lo thlir ṭhap mai a ni.


Chutah ka u chu thui pawh a la pen hman lo tih chuan chu kawktu tenawm chuan a kut zungchal pir vah hian a lo kawk ta va va mai a..!! Sipai ho chuan ka u Tekawnga chu an la hrang nghal hmiah mai a; a hnung chiaha a ṭhianpa lo chhuak erawh chu ṭha takin an kal tlangtir leh ang lawi bawk si a.


Mipui an khalh chhuah zawng zawng chu Biak In chhungah chuan min khalh lut leh vek a, kan ṭhu fel awrh vel ang tih chuan Biak In thlang maia Fieldah chuan silai a ri ṭhuai a, namen lo hian ka thâuah min manin ka khur zawih zawih mai a; ' ka u, ka u duhtak,' tiin ka phun sep a.


A hnu rei lo teah chuan Vai sipai pahnih hian inkhawm ho zinga mi pahnih chu rawn hruai chhuakin, fieldah chuan an chhukpui a. Biak in tukverh thlang lam chu hawn tirin mipui chu min thlir luihtir a; chutah ka u chu a kut leh ke pahnih ve ve chu phuar kawpin, chutah chuan thing tlawn an rawlh a, Vawk zawn hian a lu uai hnawp hnawp chuan an rawn zawn ta a.


An kahna hliam aṭang chuan thisen a far tluah tluah a, a lu chu a uai hnawp hnawp bawk a..." sawi zawm thei lo chuan ka pa chu a ngawi vang vang phawt a.


Ka khawngaih lutuk chuan ka pa chu ka va kuah tawp a, ngawi rengin engmah sawi lo chuan kan ṭhu dun reng a; mawi tawk tak chutia kan awm hnu chuan ka pa chu rawn inthing harh nawk nawkin:


" Valte, a na em a ni, ka u kaphlumtute ai khan kha Kawktu huaisar kha ka haw zawk, ka la chhui chhuak khawp ang, tiin tih theih dang nei si lo chuan ka insehruh ta ngawt ngawt a.


Hnawhsarum takin thlan min laih luihtir a, chawpchilh zetin ka u Tekawnga chu ṭah leh sûn vak ngam pawh ni lovin kan thlah liam ta mai a ni," a ti zawi raih a.


Ka pa rilru nat turzia chu ka hriat thiampui riairuai chauh a ni zawk ang, ka pa ka kuahna chu ka thlah a, a hmaa ka ṭhutna ngaiah chuan ka ṭhu leh a.


Ka pa, tichuan Thangtei i duh loh chhan chu tuna i sawi nen khan eng nge a inzawmna?


" A ni dawn tak e, ka rilruah a rawn thar leh nasa em a, ka lo chawl palh daih mai a nih kha, ni e Valte ka han sawi tlang law law mai ang e aw; Thangtei pa hi i hriat angin Pu Sawithanga a ni a, tin, Sawithanga pa hi tuna ka sawi zawh tak chiah KAWKTU kan tih mai Sawiluaia chu a ni e; ka u kawk hlumtu tunu nen chuan chaw bel khat inzen ṭawm ka zuam ngang rih lo a ni e.


Amah Thangtei hi chuan engmah a hre ve lovin, thiam lohna pawh a nei chuang lo va, mahse a pian leh murna hian min hnar ta a nih ber chu; Valte, i hmangaih tak nula ṭhentir che a, iai sak hrim hrim che ka ni lo a nia, min hre thiam ang tiraw," a ti ta a.


Ka rilru chu a buai map ta mai le..!


Ka pa zawk ni ta ila, kei ngei pawh hian ka pa unau thattu chu famo atan ka pawm thei hauh lo vang le, kawng leh lamah erawh chuan thiam lohna nei hauh lo Thangtein a lo tuar ve zel tur leh, a pian hma daih thilin tuna a nun a nghawng chhiatsak tur chu ka lainat em em mai bawk si a; ngaihdan fel tak pawh ka siam mai thei bik lo a ni.


Ka pa, engpawh nise, i rilru tur chu ka hre thiam lutuk e, mahse hun tlema zawng tal min pe thei ang em? I thu ka zawm lo lam ni lovin, pawisawi ve hauh lo Thangtei hrilh dan tur pawh ka van lutuk dawn a, zawi zawia thlah hret hret tum ta zawk ila a ṭha mai lo'ng maw te ka ti ta deuh a ni, ka ti chhuak ve ta phawng mai a.


Ka pa pawh chuan min hre thiam ve viau chuan ka hria a.


Ka mangang lutuk chuan ka nutei fapa, kei aia u hret, mahse kawng engkima ka biak rawn ṭhin chu ka pan ta chawt mai a. Ani pawh chuan kan boruak a lo hriat chuan khirh a ti ve hle mai bawk a.


" Khai aw Thanmawi, thil hi a lo va mak thei ngai em aw..!! Hman lai thil leh hun liam tawh daih ami emaw kan tih mai te hi, tunah kan hmuh theih leh hmuh phak rengah a lo la inchhawp chu a ni tak si a le; engpawh nise tuna tan mai chuan thurawn han pek mai tur che ka va vân hrih tak em.! Pakhat a thiam a, pakhat a dik an tih ang mai lah ni.


Ka pa Zuala(Thanmawia pa) dinhmun aṭanga ka thlir chuan dem theihna reng reng ka nei lo mai ka ti, chutiang chiahin Thangtei pawhin a pian hma thil rapthlak tak a lo thleng leh liam daih tawh chungah chuan thiam lohna lah a nei hek lo; engah nge maw nangni pahnih kher chu in lo intawn palh mai le aw," a ti vawng vawng ve ta zawk a.


Hun a lo kal zel a, kei pawh chuan Thangtei chu hlat hret hret ka tum ṭhin a, mahse a har a ni, ani lah chuan ngial ngan tak tak hian chutia ka danglam tak chhan chu min zawt awl lo va, a ruh lang rawta han sawi lah chu ka ngam bik mang bawk si lo va.



Ṭum khat chu zin khawthawng ila a ziaawm deuh mahna tiin zin chhuah ka tum ta a, ka pa leh nu pawhin min hre thiam viau mai; zingah chuan keini chu Tuipui lamah Serchhip lut turin kan kal a, kan chhuah hma chiah chuan Thangtei pawh chu Aizawl sumoa a chuang ka hmu hman hram bawk a. Ni khat thil thu-ah intiam rual ang maiin kan khua chu kan chhuahsan ta ve ve a, kei chhim lamah chhuakin ani hmar lamah a chhuak ta thung a, mahse rilru erawh hmun khatah a luang za zel tho si chu a nih hi.


Engemaw chen Serchhipa ka awm hnu chuan nuam pawh ka ti ve ta phian a, zawi zawiin Thangtei pawh ka hlat ve thei ta viauin ka inhria a; keimah pawh ka ziaawm sawt ve khawp mai.


Thla thum/li vel ka awm hnu chuan ka nu nuamsam thei lo vangin min rawn chah haw ve ta thung a. Mak tak maiin Thangtei nen chuan kan khua kan lut rual leh ta chiah mai le..!!


Hmana kawngpui âna an dawr kha a chhungten an lo chei ṭha ve leh chu niin, kei lah ka zing ni lum ai kawngpui kama kan Verandah a ka ṭhu, ka piah lama pawttu nei ang mai a ka hawi chhuak chu, kan mit leh mit chu dan rual loh hian a intawng leh ta chiah mai le.


Eng nge maw ni tak chu, chuti taka kan hun a inrual zel mai chu tiin, Thangtei dawr nghahna lam pan chuan ka phei ta nge nge a.


Khua a thlen hun leh Aizawlah eng chen nge a awm ka han zawt chu, kan chhuah ni leh luh leh ni a lo inrual chiah zel mai chu lo niin; chutia kan inbiak bawrh bawrh lai chuan ka u, ka nutei fapa kha lo kalin,


" Hei, nangni pahnih kha inkawm tawh suh u, eng nge in lo inhmuh leh vel a, in inṭhen tawh a ni lawm ni?" a rawn ti fiam chul a.


Kei lah pek chuan lo ngai kawi lui ngatin,


Inṭhen turin kan la innei lo hrim hrim, David lo inrawlh suh, i nupui tur pawh a nih loh hi, ka lo tifiam a.


Ani lah diau duh hek lo le.


" I u ten mo atan Thangtei an duh loh kha,"



Anni nupui tur a ni hleinem, keima nupui tur a nia, ani hmeichhia pasal neia inhrang chang tawh lehnghal, lo inrawlh hlek suh se, ka han ti let leh zet zawng, duh aiin ka ṭawng thui ta mah mah tih ka hriat chhuah meuh chuan ka lo sawi zo vek tawh si a le.

*********-


Hun a liama, kum a vei a, kan tum nasat poh leh Thangtei nen chuan kan inthlah thei lo ting a ni ta mai si a, engtikah mah chhungte rem tihpuina phei chuan kan innei ngai lovang tih kan hria; mahse chuti chung chuan kan inthlah thei chuang bawk si lova, huihamm, keini pahnih inhmangaihna ve hi, khua a va var lo tak em..!!



Hun a lo rei leh tak deuh hnu chuan engpawh huamin kan inru ve ta thawr mai a.


Ka nu leh pa erawh chuan min sawi rem sak chu antum lo ve chiang asin aw; keini lam chang pawh ni lovin, amah Thangtei pa te pawh chuan engmah an lo hai bik si lo va, chuvang chuan rei vak pawh kan inkawl hma chuan min pawt ṭhen leh ta nge nge zawk a.


Tu mah dem tur awm si lo hian kan rem thei bawk si lo va, ka nun chu a thimin a pik chiang ngei mai. Vanduaithlak takin chumi hnu kum.khat velah chuan ka nu leh pa pawh chuan min kalsan veleh ta bawk si nen; hringnun hi ka tan chuan a hrâng mah mah a ni.

KHUANGLENG RÙN. By T Mawii.

🐒KHUANGLENG RÚN🐒

Thiam lo leh famkim lo tak chungin kan khua KHUANGLENG RÛN chanchin tlangpui rawn dah ka tum a, History-a chhui leh belhchet dawl tur ang zawng ni lovi'n Story pakhat ve mai angin min lo pawmsak dawn nia.

    Chu bakah a chanchin leh ziak ka hmuh theih ang ang te lehkhabu hrang hrang ami chhiara ka chuktuah khawm mai a nia, belhchian leh chhui a dawl lohna zawng zawngah min lo hriatthiam ka beiseiin ka ngen a, kan khua KHUANGLENG RÛN Chanchin hi a thamral mai loh na'na rawn post ka ni e.

  T, Lalrin mawii.
Khuangleng venglai.

    Khuangleng hi Mizoram khawchhak lam Ṭiau leh Tuipui inkara awm, Champhai aṭanga chhim lam 40km a awm a ni a. Boruak thiang leh zo vehvawh tak, Sea level aṭanga 5000ft  vela sang; chhak chhawng a nih avangin thlasik laiin a vawt thei hle ṭhin. A khaw lu tlangah hian chhawkhlei a tam a, a hunlai chuan a par vul chuk ṭhin a, chuvang chuan a tlang hmingah pawh; " *Chhawkhlei tlang* tih a ni ṭhin. A ram hi a ṭhain tunhma deuh chuan sa atamin ramvachal deuh tan chuan chhenfakawm tak a ni ṭhin nghe nghe a ni.

  Tuna kan sawi tura Khuangleng Lal Thanhranga hi Mizo Lal hmingthang tak Vanhnuailiana te unau zinga a naupang ber Thawmvunga fapa niin Khuangleng tlang hi a ṭhut ta a ni. Kum 1871 kum khan he in rûnna hmingthang tak KHUANGLENG RÛN mizo history a dai mai mai tawh lo tur leh hmingthang rapthlak tak mai hi a lo thleng ta a ni.

    Thawmvunga fapa Thanhranga chu ramchhuakin a kal a, a ramchhuah hlan chuan a nupui Darrovi chuan nau a lo nei a, hmeichhia a hring a. Chu naute thar chu a pi, Thawmvunga nupui chuan a pawm a, a hming ka sa  dawn a, a hming ka sak chhan tur chu hetiang hi a ni; ," Chhim  leh hmar, chhak leh thlangah pawh kan hriat phâkah Tualte  khua aia  ropui a awm lo, a pu te lalna hi van ang maia sang a ni a, chuvangin a hming a tan *LALVANCHHINGPUII* ka sa e," a ti a. ( ziak ṭhenkhatah chuan Banchhingpuii an ti bawk,) Chu naute duhawm tak mai chu lo ṭhanglian chho ve zelin  anu  pawhin thi lo a ruangin a hrin a ni a, a hmangaihin a duat hle a, a pa ram chhuak haw pawhin a duatin a lawm em em mai a ni.

   Nikhat chu Lal Thanhranga nupui pa Dorikhuma chu Thanhranga te inah lengin, " Hei, kan khua Khuangleng hi kan hung lohva kulh  kan siam loh chuan a ralmuang dawn lo a nia, kan chhak Sukte ho hian khaw daifem kan nih avang hian min zuam mai thei a, kan fimkhur hle a ngai dawn a ni. Champhai tak bei lovin keini a tenau leh daifem deuh hi min rawn tinzawn  ngei ka ring a mut a tui ta lo tawp mai, hmun ralmuang lam pana kan kai sawn te anih loh chuan khua tal hi chu kulh ila ṭha ka ti khawp mai," a ti a. Thanhranga chuan, " Kei pawh ṭha ka ti khawp mai," a ti ve a. Tichuan a upate ko khawmin an rel  ṭan ta a, chumi rual chuan kulh siam thu mai ni lovin phai rûn thu nen an rel ho ta a ni. An rorel naah chuan," Kulh siam chu Phai run haw hnuah nise, eng em kan ti lovang chu maw," an ti tlang ta a.

  Pu Dorikhuma erawh chuan," Phai run haw lam lam chu a va'n rei dawn em ! Mi run tura kalchhuah remchanga kan hriat lai hun hi miin min run hun atan remchang an tih hun a ni ve duh tho a sin!"a ti a. Mahse a tam zawkin phai run tura kal chu an chak tlat avangin phai runa kal chu an titlu ta nge nge a.

  Tichuan an kal ta a, hetia an kal ta hi Lal Thanhranga paihte sal  pakhat an chhiahhlawh Dimmeni (lal bawih) chuan a rukin run rala awm Sukte ho chu a lo han hrilh ru vat mai a, Mualbem lal Zapauva chuan a ṭhenawm khuate chahkhawmin Khuangleng run tur chuan an in buatsaih ta mup mup mai a ni.

 Sukte ho chuan Rûn lui kanin Lentlang aṭang chuan Khuangleng chu an han thlir a, an rawn kal mup mup mai a. Chutih lai chuan Khuangleng Lalnu pi Dari pawh engmah hre lem lo mahse, mawlhtu nei tlat hian a inhria a, ni tla tur te chu a thlir a, rilru nuam lo deuh hian a tei sek mai a, Sukte ho erawh chu chumi lai chuan ṭiau kamah chuan thawm dim tak si hian an zi mur mur tawh thung a.

Tichuan Lal Thanhranga leh a khaw pasalṭhate awm loh chhung chuan dimdawihna leh lainatna tel miah lovin an nuai ta a ni (hemi hun hi ni 16----20 january  1871 nia hriat a ni.)  Sukte ho chuan mi tam tak salah an man a, an hmuh remchan apiang an that bawk a, khua chu an hal khu ta luih luih mai a, tlanchhe tawk leh hal lohna hmun chu awm ve bawk mahse  mi tam tak sal a man chungin khua chu an chhuahsan ta mup mup mai ani. Nunau in nghaka awmho tan chuan a manganthlakin an mangang au thawm lahin tu beng mah a thleng zo ta si lo va, hemi tum hian mi 200 ṭha zet chu salah an man a ni.

  Thanhranga leh a hote kal chuan meikhu mup mup mai chu Nisapui tlâng aṭang chuan an hmu a, heng hun lai hian khua ala tlem avangin an khua *Khuangleng* ngei a ni tih an hre thei mai a, an ngaih a ṭha thei tawh mawlh lo. Kir leh tur nge kal zel tur tih an hre mai thei ta lo va, an ngaihtuahna a buai tak meuh ta a ni. Mahse, " Kir leh pawh ni ila tih theih kan nei tawh lo, kal zel ila kan rammutnaah tluang tein ral lak sum te kan la ang a, kan tlan leh thei em em  ang," tiin an inhnem chawp ta ngawt a. January  ni 27, 1871 tukah chuan Nudigram chu an han bei ta  ngei  mai  a, mi engemawzat  thatin rallak sum  pawh  an la nual a, sal  an  man bawk a. Mahse  sipaiin an rawn kap  ta tlat mai, an inkâp  ta  vak a, Lusei  ho chu chak ta zawk tho mahse an inhloh  nasa  ve hle   bawk  a ni.

   Thanhranga leh a hote Khuangleng an  haw leh chuan  khua  chu  kangvar  mai a lo ni ta.  An  man bang  tlanchhia  leh  biru te pawh  an hal bang an ṭhenawmah te,  khaw  ṭhenawmah te belh  tur zawngin an lo awm a, Thanhranga  nupui  Dari  leh  a fanu  Lalvanchhingpuii pawh an man tel a ni. Thanhranga  chuan:

"Phaizauah hnam chem len rêl ila,
Lung d Dari'n chhakah   kawlhren thir a bun;
Hraichawi Chhingpuii....tih te,

Chhakah  rûn tui a lian   sen vung e,
Ṭhuva a leng dêl e damlai iangin,
A lal hrai ṭap e,..tih te leh

Tan chhawn duha thlangkawrvai kan lian,
Ka rûn romeiah kai zo e,
Hraichawi Chhingpuii...tihte'n hla a phuah a, a ṭap aṭap ṭhin."
.
Thanhranga leh a khuate  an ṭah laiin  Sukte  rammu haw chu  Bawh hla nen hla do chhamin tlang an tlir a. Lalpa Zapaua tualah  sal 200 rual zet chu an din tlartir ta put mai a, hemi  ṭum hian Vaihleia leh a nu pawh an man tel ve nghe nghe. Vaihleia nu chuan pawih ṭawngin, " Lei do ni lo, ral ni lo engahnge  min man?" a ti hial a ni. Mahni man ṭheuh sal an la ta sung sung mai a, Vaihleia te nufa chu an chuang ta nalh mai niin a n sawi. Hriangngai aṭangin Zapaua hnenah chuan, " Rodenga nupui leh afapa in man tel a, lo chhuah leh rawh u,"tiin an hrilh bawk a. Rodenga unaupa  Zahuata chu  Mualbem lal Zapaua pa Khanṭhuama nen Mualbem khawbu luahlum pui tur leh leido  laka  inpui tur leh kawng engkima u leh nau a insiamin an lo awm a. Zahuata hian khua a sah hmain kum.6 vel lai Mualbem lal Khan Ṭhuama hi a awmpuia, hengte avang hian a unaupa Rodênga nupui leh a fapa hi  Zapaua tan hian sala man a, bawih a siam chi niin a lang lo a ni.

  *Sal chhuak sapuiin a hruai:*
            
Sal chhuak tlan haw leh te chu thih leh hrehawm tinreng tuar huam an nih avangin an khawngaihthlak hle a. Tih duhdah leh elhsen tlak pawh an nih loh avangin sapuiin a hruai ṭhin an lo ti chawk reng a. *Khuangleng* run ṭum hian an pasal an thah saka an man ve tak pawh an awm nual reng a ni. Sal mantute chuan, " A naupang deuh chu  bawih atan enkawl rih ni sela, puitlingte  chu  Kawl rama hralh ni se, sal tlanna hi Sepui a ni a, Kawl rama an hralh chuan pawisa tam zawkin an hralh theih a," tih thu an sawi rik sep sep chu an sal man zinga an pasalte an thahsak pahnih  chuan an hre ru a, chu mi te chu *Lalkhawli leh Thangneihkhawli* te an ni a.Anni chu an tlanchhuak ru ta a ni. Run lui kam an zu thlen chuan tui chu daikai rual loh chuan a lo lian a, an hnung lamah an ûm an hlauh bawk si avangin  luidung ram palailengah chuan mangang takin an tei an tei ta ringawt a. Chutia an awm lai chuan Sakei hi a lo kal ta a, a tirah chuan an pahnih chuan an hlau khawp mai. Mahse chu sakei chu  an hmalamah chuan seh tum si lo chuan a mei chu  dawhin a awm ve ta reng mai a.

   Nakinah chuan Lalkhawli chuan, " E, Pathian a nih hi, min hruaikai tura lo kal a nih dawn hi," tiin sakei mei chu a vuan ta a; chutah sakei chuan Run lui lehlamah a hleuh kai pui ta a. Chumi hnu chuan Thangneihkhawli pawh chu a hruai kai ve leh ta bawk a. Chutih lai chuan an ṭhian Tuadimi  chu a rawn tlan thleng ve hlawl mai a, a hruai tura sakei kal chu a hlau ta tlat mai a, Lalkhawli chuan ring takin, " Hlau suh, Pathian a nih kha, a meiah khan vuan la a hruaikai mai ang che," a'n tih chuan Tuadimi pawh chuan ameiah a vuan a, ral lehlam chu a kaipui ve leh ta a.

   An pathum chuan sakei chu an zui ta a, zanah pawh sakei chu an riahna bulah a awm ve zel bawk a, ṭiau ral hruai kaiin in thlen dawnah a pen bo san ve ta chauh a ni. Nakinah chuan  Lalkhawli pa  thang en tur nen  an in hmu ta hlauh mai a, chuta  an hlim ṭia chu  suangtuah thiam phak bak a ni ngei ang le, lawm avanga  ṭap hawm hawm  chungin  Lalkhawli pa chu an uai ta hnawp mai hlawm a.

   Lalkhawli pa chu  chanchin engkim, Rûn ral aṭanga  Sakeiin a hruai dan zawng zawng  an han hrilh chuan, " A kalsanna  che u a hla tawh em?" tiin a han zawt a, " Saw lai mai saw a la ni," ti a an sawi chuan, " He laiah hian lo awm ula, ka va ko leh teh ang," tiin a va ko leh ta a. " Ka nau te ral lakah leh tui lianah him takin i hruai a, ka lawm em em a ni, zaninah  ka vawkpui ka pe che a, i rawn ei dawn nia," tiin a va hrilh ta a. Tichuan lawm em emin an pali chuan an haw ta a, thil awmzia te an sawi ho va. Zanah chuan Sakei chu  Vawkpui la tur chuan a lo kal ta ngei a, a rawn la ta a, Tlangval hovin an hriat chuan um an tum a, ani erawh chuan a lo khap tlat a. "Kan nau te ral lakah a veng a, Rûn tui lianah a hruai kai a, ka lawm em a ka pe a nih kha," a tih chuan an um ta lo a.

   Lalkhawli hi Pastor HD Zakhuma  pa, Laltinsiaka  nî a ni a, Thangneihkhawli pawh hi rei tak damin kum 1912 khan tar takin a thi ta a ni.

  Thanhranga  te chanchinah khan kal leh ta ila.
  
  Thanhranga chuan a nupui leh a khua te Zapaua khua Sâizanga tâng han tlan dil turin Pamenga leh a ṭhiante a tir ta a, Zapaua chuan Pamenga alo kal dawn tih ahriat  chuan a khua te chu a ko khawm a, silai kengin lal tualah chuan an lo ṭhu khup mai a. Pamenga  chu Saizang lal Zapaua inah chuan a han lut ta a, " Hei le, kan ngam ta lo che u a, inhnuaiah kan  tlu lut ta a ni, min khawngaih ula dan pangngaiin  kan nupui leh  fanaute kan tlan ang e," a han ti a. Zapaua  chuan Vanhnuaithanga nen  Sa-ui tanna  thuthlung kha, Vanhnuailiana fate hian bawhchhe nasa  hlea a hriat avangin a thinur a, heti hian Pamenga chu a chhang ta a.

   " Pameng, Rûn tui aleh luan ta a ni maw? Khawthlang  hraichawinu  ka man tur Sazukin no a hrin hun a kan kah tur  Ṭhangurpuii chungah ka ṭuan e, Zapau ka lal lai," a ti a. Chu veleh  sal chungah chuan a tal  vak mai a, a khua te chuan  silai an lawn un un mai a, a khu  chuan  khua a khuh  zo  vek mai an ti. Silai  lawn zawh chuan  Zapaua chuan thu ṭha a sawi ta a." Aw le, Sal ho zawng zawng  in tlan thei ang, hnamchawm chu  Silaiin, Sailo lal erawh  chu Se-sawmin," a ti a, Pamenga leh a ṭhiante chu an haw ta a.

   Thanhranga  chu a nupui leh fanu  tlan nan chuan  a unaute sum dilin a zin vel a. Tuk khat chu a nupui leh fanu Lalvanchhingpuii  tlan tur chuan a chhuak ta a, an tânna  khua  chu a han thleng a, a nupui leh a fanu  chu an lawm em em  mai a, an pa ruala  hawng ve thei  dawna  an inrin avangin an lawmna hi ṭawngka  maia  sawifiah  rual a ni lo.  An hawn dawn  tuk chuan Thanhranga  chuan an tânna  pa kha  sum a hlan a, chu pa chuan, " An pahniha  tlanna a daih lo, pakhat chauh i hawnpui  thei ang, i duh zawk erawh  chu i thlang dawn nia," a ti ta tlat mai a. ( hepa lu hi chhawk hmawk ka chak, hehe Tmawii)

           Chu veleh chu mi khawngaihthlak pathumte  chu an hai ta mup mai a, hun engemawchen chu an khaw hmuh pawh a fiah lo va, Thanhranga chuan, " An nufa hian min hawntir mai rawh, a daih lohna chu ka rawn pe leh thuai ang che," tiin khawngaihna  a dil chiam ṭhin a: mahse, amantu chuan a phal thei ngang si lo va.  Thanhranga  chuan a tu zawk hi nge ka hawnpui ang aw tiin a ngaihtuah neuh neuh a, Khawvela a hmangaih em em leh a duat ngawih ngawih, a enchimlohte  anni ve ve si a. Khawvela duhthlanna  har leh khirh ber zingah a tel pha hial awm e. Rei fe a ngaihtuah hnu chuan, " Mami nu hi chu lal a ni a, a nuṭate hnenah pawh  sum leh paite a dil thei zawk ang e tiin a nupui chu  hawn a tum ta zawk a.

   Chutah le, a fanu chuan a haw ve thei dawn ta lo a ni tih a inhriat chuan a mangang  lutuk chu a thidang lo chauh hi a ni ta mai a, awmngaihna reng reng a hre ta lo mai a. Anu leh pa chuan kalsan har an ti ngei mai. Lalvanchhingpuii chuan, " Ka pa, vawikhat tal i malchungah ka ṭhu leh ang e aw, min han pawm leh teh," a ti a. Apa malchungah chuan a'n ṭhu leh rih ṭhin; an pathum chuan dan rual loh hian an mittui a sur zung zung mai a, in kalsan hleithei lo vin Thanhranga te nupa  chu an awm ta reng mai a ni. An fanu mal neihchhun leh duat ngawih ngawih  Sukte pa bâl deuh  sal a a han awm zui leh tur chu tuar thiam har an ti hle mai a, kalsan mai pawh chu an tan thil harsa tawp a tling reng a ni.

   Chutia rilru buai leh hrehawm ti taka an awm reng mai chu  Sukte  lal Zapaua  chuan, " Inti lungleng  zual mai mai e, kal thuai rawh u," tiin a vau ta khur khur mai a. Nupa rethei tak mai te chuan an fanu duat leh hmangaih tak mai hnenah chuan, " Chêmte, lo in ngaihtuah hah duh hauh lo ang che aw, kan khua kan thlen veleh sum tam tak kengin kan lo kir leh thuai ang a, kan rawn hruai ang che, i nu chhungte hi lal an ni a, a nuṭate hnenah sum chu kan hmu leh mai ang, lo lungngai reng reng suh ang che," tiin sal tlantu dangte nen chuan  an hawng ta  ni.

  Chutia an fanu duat ngawih ngawih Sukte sala a awm ta chu  an ngaihtuah em em a, mahni khua leh in thleng nimahse, Thanhranga te nupa chu an hlim thei reng reng lo mai a, an hrinhniang  Chhingpuii  Sukte salah a la awm tlat avangin an rilru ana ngawih ngawih mai a ni. Hetih lai hian hmeichhe  ṭhenkhat erawh chuan  tlangval te lo nei hmanin  kir duh tawh lo va awmhlen ta pawh an awm ve nuk tho a ni.

  Thanhranga te chanchin-in Zoram a rawn den thlen meuh chuan a hria apiang mai lu chu a tihai tak meuh hlawm a, an rilru ana hlawm em em a, khaw hrang hrangah pawh titi dang alêng thei meuh lo achha a ni ber. Pa ho han ṭhu khawm te hian, " Nang ni la, tu zawk nge i thlan ang le?" tiin an inzawt leh phawng phawng mai ṭhin a ni.  Chhingpuii nu leh pa-in an kalsan hma lawk a, rei lo te chhung pawh a pa malchung a thlakhlelh zia te an ngaihtuah a, an mittui hi a sur zung zung mai ṭhin a, abik takin Nula leh pa ho chuan an tuar na bik hle mai ni hialin a lang.

  Lalvanchhingpuii pa Thanhranga  chuan  a nupuia nuṭa te hnenah sum dil khawmin  Chhingpuii tlan tur chuan a kal leh ta vang vang mai a, Saizang khua, Sukte ho khua a han thlen chuan le, Sukte pa khan, " A thi tawh," a lo ti ta mai si a. Chhun leh zan chawl lo va a ngaihtuah reng ṭhin, a chawi lai hraite Lalvanchhingpuii a hmu ta lo va, a tel lo vin Zoramah a lo kir leh ta a ni.

Nang Thanhranga hi ni ta zawk la, tu zawk nge i thlan ve ang le? I fanu enchimloh nge? I hmangaih ber i Thaimampuii ni ang le?

   Thu belh.
He'ng hun lai hian Kawl ram lamah man tam zawkin sal an hralh ṭhin a. Chhingpuii pawh hi hetianga hralh zingah hian a tel ve ngeia rinna a lian hle a, han zawnga han chhui zui zel turin a kawltu ber Sukte pa lah kha zawh chhuah theih a ni tlat si lo va.

  A hnu fe-ah  Sumdawng tura kal mizo ṭhenkhat chuan Chhingpuii ni thei ngei tura an ngaih Kawl ram lamah khian an han hmu a, Nu hausa leh khawsa thei tak niin an inah an thleng nghe nghe a ni awm e. Amah ber pawh chuan a chanchin chu a sawi ṭha duh vak tawh bawk si lo va.

Ka kaitawi ta vak mai, a behbawm ziak kual duah lo vin.

A tawp ta.

Lo ngaihtuah zui ve tawh r'u le🌹.

Real Love Chapter 1. By Tmawii.

REAL  LOVE💙

Chapter  1.


By  T mawii.

   Mizo thawnthu Ngainatute tan aw... Min lo theihnghilh hman em lovang chu maw..?

   Zantin ka rawn dah theih loh pawhin, theih tawpa  regular chu ka tum ve a nia aw.
   Min lo chhiarsak leh liam liam u la.

   Nula  Ngo veng vawng,  pumraw lian vak lo leh hmel fel vang mai si, kan veng chhungah  mai ni lo, veng dangah  pawh  a duhawmzia  an sawi  zui  ve laih laih  ṭhin  nen ngei chuan  inhmel duh  ve-in,  ka chhungte hriatpui  lem loh  chuan  ka vei ve bur mai a, College  ka la  chhuah loh  avangin  nupui  nei thei niin ka inhre rih lo va;  chuvanga  ka chhungte pawh  la hrilh lo  chu ka ni pah bawk  a.


   College ka  chhuah  veleh  Pathian leh  Kohhran ho hriatpuina  ngeia  neih ve  turin thu  kan dah ve ran bawk  a, kan hma  hunah  eng nge  lo thleng dawn lah  kan hre  der  mai si lo va;  mahni tawk chuan  hlim  inthlahlel takin kan hun te kan hmang  ve ṭhin.


  Hun a lo kal zel  a, chutia  inzui ta reng  chu  kan inngaiin kan inthlahlel  tawlh  tawlh  mai  a, kan  ṭhiante mai ni lovin kan  veng chhungah chuan hre  lo pawh  an awm tawh  lo'ng e tih  mai tur  kan ni ve ta,  ka chhungte hial  pawhin  an lo hre ve ta  si a.


  Eng mah phei chu  an sawi chuang  hlei lo va, ka sawi  hun  an nghak  pawh  ni fahmiang;  kei pawh  College  hial  ka chhuak ve ta a.


   Nikhat chu ka pa  nen chuan kan inbulah chuan Chuktuah huan  pal chu kan thawm ṭha malh malh  a,  kan titi  pah zel  bawk  a;  chhun  chawfak hun  hma  deuh  chuan  kan  ṭhu chawl a,  kan  huan  chhung tho va  Theitat  kung daihlimah chuan  ṭhuin,  ka nu chuan thingpui  hang leh  Kurtai  min rawn pe bawk a.


   Chutia kan ṭhut chawlh lai chuan  ka pa  chu a ṭawng  barh barh  reng  a,  nakinah  chuan  ka hming ngei chuan min rawn ko nawlhin:


   " Thanmawi,  nupui  neih lam te hi i rilruk  ve tawh  em le?"  a rawn ti  thut  mai  a.


  Ni dangah chuan  ka hming tak pawh hian  min ko ngai lo va,  Tlangvalte emaw  Valte  ti hian min ko ngun  ber  a;  vawiin chu  engtizia nge maw ni  ka hming tak ngeia min koh  nawlh mai chu le aw...tiin  ka ngaihtuah zui rauh rauh  a.

 
   Chutia chhang mai lova ka ngawih tak reng vang chu em ni dawn ni, aw nem deuh zawk hian:


   " Valte, ka zawhna  che kha i hre lo em ni?"


   Ka pa,  ka lo ngaihtuah lem hleinem, tunah phei chuan hna pawh  ka la hmu lo va, hei private sikulah ka inhlawh  ve ṭan chiah a ni sia, nupui chu nei ve ta ngawt ila, engtin nge maw  ka chawm ang le?"  tiin ka lo leh zawh  mah  a.


   " A dik khawp mai, amaherawh chu hei  zepnak  emaw  mi titi hian ka beng  a lo thleng ve zel mai a; hriat loh pawh tum ila mi hi an bengvar khawp a, min hrilh  ve leh chawm mai zel a."


   Mahni chanchin mah  vei ṭha hman lo hian midang chanchin kan sawi peih lutuk hi engtizia nge niang aw  tiin, Thangtei nena  kan chanchin chu ka pehhel ve hram hram a;  engmah thu mum kan la sawi loh avangin  ka pa han hrilh tur  teh chiam  ka nei rih lo a ni.


Mahse ka pa chu a ngawi duh tlat lo  vawiin chu,  hna kan thawh zawh hnua  inchhunga luhsan ka tum lahin a phal der bawk si lo va,


   " Vawiin chu i chawlh remchan ni a ni bawk a, heti hian Thinghlimah hian i titi mai mai ang hmiang,"  a ti deuh tlat mai a.


   Keipawh chuan hnial zui em em lovin ka awm zui ve ta mai bawk a, chhun chawlh hun tak takah chuan  ka nu chuan  tray  lianpui hian  eitur  a rawn chawi chhuak a,  kan pathum chuan  kan ei ho ta a; mahse  ka pa min chelh dan ka ngaihtuah  chuan  eng thil emaw  inphum ru  a awm ka ring tlat a, ka ngaih pawh  angam chiah lo hial  reng  a.

   Ka hming pum hi  Hrangthanmawia  a ni a, ka pu pasalṭha  hmingthang  deuh mai hming daih loh nana  ama  min phuahsak a ni nghe  nghe  a,  sa hrâng  leh  hrâng lo, mihring  râl  lakah pawh  an lo chhuan ve em em ṭhin  hming chawi ngata  sak  a ni a; mahse  mi tam ber chuan  Thanmawi tiin  min ko  mai ṭhin a,  ka pu chawi  chhan tak Hrâng  erawhin lam rik a hlawh  khat pharh mai thung.


  Ka chhungte leh  ṭhenrual ṭha te erawh chuan  Tlangvalte  emaw  Valte  tiin  min ko ber  ṭhin thung  a,  ka nu leh pa tak phei hi  chuan  ka hming  ngata  min koh  hi  kutṭang  thliak zat pawh  a la awm awm lo ve.

chapter 23 ( d last) by Tmawii

Hmanhmawh takin Vala chuan lungtum a la lawk a, " Kha en rawh u," tiin Quanney chhipah chuan a zu deng leh ta a. Silai chu a han puak ve bawk nain , mi pahnih te chu leihnuai lamah chuan an liam thla leh ta a. Indian pa chu a rum ngul ngul mai a, Vala chuan lungpui kawngkhar chu a han nam a, a kaw kotlangah chuan a lumlut ta a. Mahse, a in rem vak loh avangin a sir awng a ṭang chuan silai mu alo ving chhuak thei a. Lungtum dang a la leh a, a kua chu a hnawh ta tlat a.
Birdie thinrim au ṭhawt ṭhawt thawm pawh a hriat ta lo. Silai chu apuak -ṭhuai ṭhuai a,mahse lungpui chu a kap tlangin a kap phel zo si lo. Silai zen rim chuan puk chhung chu a ti rimchhe ting a ni mai. Vala chuan lungdang lak a tum leh lai takin lungpui chu alo che dut dut ta mai a, Quanney pui khan a darin a rawn do ni ngei tur ani,. Vala chuan lungpui chu a han ṭum nghek mai a, a awm ngaiin a awm leh ta hmuk mai a.
Vala chuan a thlan tla chu a han hru a, engpawh nise, Birdie Satterfield chu lung inah a khung ve ta phawt mai chu ania, a ṭhiante hmen lamah Vala chu a kir leh ta a. Hnimbuka a awm lai chuan Indian ho authawm chu a hre ta a. An au dan a ṭang chuan Bull Beckera cbu ngaihtuahawm hlein a hre ta mai a. In bul lawkah chuan Vala chu a ding ta reng a, tjil tam fe a hriat phah ta reng a ni.

An mi man chu Bull Beckera a lo ni tak tak a, a khabe hmul chu thisenin alo bual zawr hnup mai a,. A sirah cbuan Indian ho chu an lam bung bung mai a, chulai hmunah chuan Lije te, Ullas te leh Claya te pawh an lo awm ve tawh a. Vala chuan Poison Valley an la chhuahsan lo tih chungho chuan an hria ang tih a hlau hle a ni.

Ka zo ta hram e, 11:43.
Hemi dawt hi chu bung hnih kaikawpin a hmawr kan bawk tawh ang a, last epi a ni nghal tawh ang chu.
Ka lawm e.👏🏻
T Lalrin mawii.

CHapter 23 (c) by T mawii.

Vala pawhin,
min ṭanpui thei lovang, ati thei ta lo anih chu.
Indian hovin Vala an hruai veleh khan Idy May chuan a umzui ve ta nghal a, kawnglakah Bull Beckera a rawn um pha ta ani. Bulla chuan Billa Gentry a hmu a, chumi ni hmalam a Indian misual rawn zawngtu Cavalry (sipai rual) a hmuh te hnen lam a kal tur a a tirh thu te chu Idy may chuan a hrilh a, Nula chuan " Bull Beckera chuan heng indian misual ho hi sipai ho kulh ah ka hruai lut dawn ati ani,"a ti a.
Chung silai puak ri an han hriat chuan Beckera chuan ahna chu a thawk ta ngei ani tih an hria a. Indian ho pawh chuan an um ta ngei reng a. Vala chuan, " Mahse, engtinnge i lo luh theih "?a han ti a. Idy may chuan ,,Mr Beckera nen luhna kawngka kha kan en reng a, Satterfield pitar kha alo chhuak a, luimawng lamah a chhuk a, ka um zui a, a bihrukna hnimbukah ka lut ve a,alo muhil tawh a, ka kai tho va, a kawr ka hak thleng ta ani. Birdie leh Quanney chuan tlanbo dun an tum a ni, mahse ka awihlo, an tlanbo tur ani lo, ati a.

Vala chuan, "An tum a sin, ama sawi ngei ka hria a lawm,a ti a. Nula chuan, Engang mihring nge maw anih le ? Delley chuan Ramhuai ani, alo ti a. Vala chuan silai chu nula hnenah chuan ape a, " Hei hi keng la, he zawngtarpa hi a chet hlek chuan thi ngei turin kap ang che, thil ka han en thlithlai leh lawk ang e,"a ti a.

Vala rilruah chuan Birdie chu amah chauhvin a awm ngei ang a, aman hlauh chuan chu chu an himna ber turah angai ani. Tin, Negro pa pawh chu phuarbeh talt tur niin a hre bawk a. Nancy chuan a savun pheikhawk chu a phuar nan alo phelh bawk a, nghet takin Ripa chu an phuar hlawm ta reng a.
Idy may chuan..Khu lamah chuan chhuk suh, a hlauhawm ang,, ati a. Vala chuan fiamthu titak deuh hian,.." Chu thu chu- mi hlauhawm pui pui muhil rawn paltlang tawh kâ a ṭang a chhuak a tan mawi lo anih chu, Ka hlau ka hlau pawh ti la, i ti fiam ani tih ka hre tawh ang," a han ti a. Nula chuan, I kal dawn chuan pistol hi keng rawh, ati a. Vala chuan , Ni love tiin ala duh lo va, indian emaw , Outlaw emaw pawh an lo kal mai thei a, silai tel lova han kalsan chi an ni lo reng ani.
Vala chu in lam panin a let leh ta a. Lungpui lian deub bulah chuan a ding a, in lam chu a thlir vang vang a, Birdie leh Quanney chu Frosta te in lwh inkang chhe inkarah chuan ava hmu ta phut mai a. Birdie chu a tlan a, atlan pah chuan Quanney chu amah zui tur chuan a hui a.

Inkang chhe phen, lungpui lian pui pui intawksir khupna lam chu an pan a, Valan a en reng lai chuan lungpui hnawksak tak bulah chuan an ding ta a. Hmeichjia chuan a han kawk a, Indian pa pui chuan a theih ang a nasain lungpui chu namsawn tumin a han bei ta a. A han namsawn chuan lungte deuh zawk hi a laihin a han lai leh a, Birdie pawh chuan a ṭanpui ve a. Nakinah chuan lungpui kawngkhar chu an kar hawng ta huau mai a.
Birdie chu a chhung leihnuai pindanah chuan alut hma sa a. Indian pa chuan a zui lut ve ta a. Chulai hmun chu Satterfield ho sum dahṭhatna a nih Vala chuan a ring nghal mai a.

Vala chu reilo te a han in ngaihtuah a, thawklehkhatah a tlan ta phut a, leihnuai puka mite hmub ngei turin puk kotlang chu a taln pel a, a piah lawkah chuan a ding a, chutih lai chuan puk kaw kotlangah chuan Phaizawl chinghnia ang ang maiin Quanney lu chu alo lang dut dut a, Vala a rawn hmuh chuan a rum dut sut a, a silai a chuh chhung chuan Vala chuan lung lian tawk tak mai chuan a chhipah chuan a deng ta dawt mai a, Indian pa chu a pil leh ta a.

Vala chuan chu puk chu hnawh a tum a, an lo chhuah hma a ahnawh loh chuan an rawn that ngei mai dawn a, hnuai lama awm te lahin a hnawhn a lung chu lo chawikana chhuah phet an tum bawk a. Vala lahin hnawh hman loh hlauvin a bei a, lehlamin silai an nei bawk si a. Vala chuan am silai mu hlau chungin lung a lum a, a hnawh thei ta hram a,
Lungtum lian tawk la tur a lungpher sir a ahan kun chuan lungpher sirah chuan kailawn (step) leih laih khuara indawh chu a hmu ta a, chu step chu Birdie chuan a rawn zawh chho mek a, a hnungah Quanney chuan a rawn zui bawk a.

CHapter 23 (c) by Tmawii.

Chutiang thil hlir a ngaihtuah lai chuan a mitthla nge a tak tak,- a mit a han men chuan Amah Idy Mayi ngei mai chu a han hmu ta a. Zel nge a mumang zawk le? Amah ngei chu ani si a, engtinnge poison Valley a rawn thkwn theih ? Amah phuarna phelh tura lo kun pawh chu Negro chawchhum Ripa kha ani tlat mai..!!!.

Vala chuan amah phuarna an han phelh chuan a tak tak ngei ani tih a hre ta. Idy mayi chu , Ripa puakruka tin chungin alo ding reng mai a. Negro pa chuan phuarna chu a phelh ngei mai, bengchheng hauhlo turin nula chuan zaizirin a hrilh zel a.

Valan Idy Mayi incheina leh hmel a hmuh chuan mak a ti hle mai a,. A hma lawka Satterfield pitar in thuamna kawrfual leh puan, mother hubbard chu alo ha reng mai a. Idy may chuan pheikhawk a bun lo bawk a.
A ke an phuarna chu a khawng leh a nat avangin a ding -ṭha thei mai lova, a petek sual ṭhelh a, chumi thawmah chuan indian pakhat chu alo che soh soh a, pakhat pawh harh se apawi dawn em a vangin Vala chuan silai pawh a ruksak ngam ta lo va. Idy mayi chuan Ripa chu ngawireng a chhuak turin thu a han pe a, Idy mayi chetdan chu Vala hmuhdan chuan huaisen ai mahin phurna leh tumruhna niin a hria. A silai tin chu a kapṭhelh dawn lo, Ripa chuan chu chu a hre reng a, Vala pawhin a ring tlat. Midum pa (Ripa) chuan sang tak takin ake chu a khai a, an harh palh hlauh chuan a nunna chu chuti hlauh chu ani mai.

Idy mayi chuan Indian nula pahnih te pawh chu amitin a han sawm a, anni pawh chu an lo kal ve ta thuai a, Delley huanah chuan lutin bawng In bulah chuan an ding a. Delley leh a fate pathum chu an va hmu a. Chutah pawh chuan an la ṭawng ri ngam miah lo.
A bula mite chu a han en a, In leh lo nei lo, michuang tlankhawm ang hlein Vala chuan a hria a. Engpawh nise, an tlanbo ngei tur chu ani si a, nula chu a zui mai tur a ni. A rilru beidawnna a ṭang a beiseina kawngka zimte rawn in hawng chuan, a taksa leh ruhna ṭhemṭhum te chu a ti nep sawtin a hria..Silai han hum a chak hle mai bawk a,. Red Indian ho authawm hriat thuai a in ring hle bawk.

Hnimbuk an pelh hnu chuan Vala rin loh takin luihnar lam an pan ta tlat a, chulai chu Vala leh Apache Toma inbeihna lai kha a ni. Chutih lai chuan Delley fa pakhat chu a han ṭap a, mahse Delley chuan puanin a ka a hupsak thuai a. Isy may chuan zawi tein, "Bengchhwmg lovin...a hla tawh lo ve, " tiin a hnem a, Indian nula pahnih te chu Delley fate pawm turin a han hrilh a.

Achanga hnunglam hawiin Vala chuan an rawn um leh um loh a mitmei pah reng a, chutih lai chuan thawm an hre ta, an tlanbo ani tih an hre ta ngei mai le.!! Chu thawm chu Vala tan meuh pawh Electric shock ai pawhin ana lo bik lo ang. Zalenna chu a rilru ah ain din thar leh mek chauh ani a. An rawn man chilh leh mai ang tih chu hlauhawm ther ther tak ani..
An thawm lah chu uisathiam rualin Sazupui an um tbawm ang mai ani si a. Chutih lai chuan ralkhata silai puak ri dur thawm hi an han hria a. Chu chu Poison Valley luhna kawngpui venna lai vel niin an hria a. Idy may chuan a hote chu hnimbuk hnuaiah a luh tir a, a pistol chu Vala kutah a hlan a. Chu silai puak ri avang chuan an thawm chu a han reh deuh va, chumi hnu lawkah chuan silai chu a in dawt zatin a puak ta tuar tuar a,.
Nula chuan, Bull Beckera , Bull Beckera nen kan lo kal dun a, Indian ho umbo a tum ani awm e, ṭanpui ve nghakin ilo awm mai ang u,a ti a. Vala chuan,,A la hla viau ang a, ahan ti a. Nula chuan, Hla lovang, ṭanpuina Billan a rawn thlen ang ,a ti a.

Bill Gentry hming lamrik a han hriat chuan Vala chu a thaw huai a, a ṭhianpa Billa chu a thi lo anih awm chu, Billa leh Bulla an lo lan chuan ava han lawmawm dawn em !!!

Vala chuan Ripa kha a veng reng a, Idy may chuan thil awmzia chu a han sawi thuak thuak a, Coz's Landing lam pan nghal mai ta lo khan Vala chu chhanhim ngei tumin alo kir leh ta zawk hi alo ni a.

CHapter 23 (b) by Tmawii

Pitar chuan, " Zanin hian Indian ho zu hrairuih a, kan mingo pa chu misual ang ziazanga tih hlumtr i tum ani maw ? Ka fate ho hnenah, inchhiatna thlentu tur chu nang Birdie hi i ni tih fo tawh reng ani, A dikchiah dawn anih hi," a ti a. Birdie chuan pitar darah chuan a ha pawther sawk a, "Pitar sual, nangpawh hi i ngawih mai mai loh chuan ka halhlum tir ve ang che," tiin a han vau zui ta a. Delley chu alo ṭawng ve ta a."Khatiangin mahni nute tih ngai em ni"a lo ti a. Birdie chuan amelh rawm rawm a, mutna pindan lam apan san ta a.

Satterfield pitar chu Delley bulah chuan alo phun sep sep a, a kalchhuak ta a. Ripa te, indian nula pahnihte thil buatsaih lai chu a va thir ta reng a. Ripa chuan Birdie chu ,,"Engkima engkim" ni ah angai tlat a, ani hi abawih diktak chu niin a inhre bawk a. Midangte chu mi hnuaihnung angah angai tlat a,. Satterfield ho pawh chu mingo ni mahse, mingo satliah ah a ngai vek ani.

Jewelli hnenah chuan Ripa chuan, " Hemi hmunah hian Satterfield hote nen hnutchhiahin in awm dawn lo tih i hrelo anih hi, "tiin sapṭawng pai angreng tak hian asawi a. Jewelli chu angawi reng a.Stterfield pitar chu hrelo awm tak hian angawi reng bawk a. Indian nula te chu hlauh nei awm tak hian an ṭi hle mai a. Ripa chu a chhuak ta a. Chu veleh Pitar chu alo lut ta a, Nancy zawk chu a pan a, " Berdie chuan ahruai dawn che u maw"? a han ti a. Indian nula chuan a heh a pet fan fan a, he pitar hi be hauhlo tura thupek an ni tlat si a.

Satterfield pitar chuan a aw ahan thian leh kak kak a, "Mi ti â zo ta, Bitdie leh heng ramhuai vunsen ho hian ka fate an that zo va, tunah pawisa zawng zawng lak vek a kalbo an tum ani. Frosta leh Elija (Lije) pawh ka hrilh fo ani, ka sawi dik ani "a ti a. Nula chuan a melh ram ram a, Zanin hian kalbo thuai mai teh, an that dawn che ani, a ti sap a.
Pitar chu angawi hmak a, avaibel chu a zu a, a kalsawn ta nal nal a. An in lam pawh pan lovin kawrte a zawh chhuk a, nidang a zan boruak thiang leh chhum kaldarh vel a thlir fona ṭhin hmun lam a pan ta zawk a. Chutah chuan ṭhuthluang diaiin tui luang chu a rap a, an In lam chu a thlir vang vang a.
Chuta ṭang chuan tho lehin kawrte zingzum lam chu a pan leh a, chutah chuan Indian tlangval pa 2 vengtu a awm te chu a hmu a, mahse engahmah an lo ngai lo. Anni chuan tunge anih an hria a, mahse Poison Valley a lo lut tur te chauh dang tur an ni a, a chhuak tur te lo dang tura thupek an ni tlat lo. An thlir reng lai chuan pitar chuan mual aliam ta a.

Pitar chuan ralvengtute hmuh phak loh a thlen veleh, tunah chuan tuman min that thei tawh lo vang, tiin a phun sap a. Nakin deuhah chuan hnimbuk ṭha deuh mai hi a hmu a, ahnuaiah chuan abawkvak lut ta a. Chutah chuan tuma hmuhloh turin abiru ta ani. A taksa leh rilru a hlauhthawnna te chu alo reh deuh tak avangin leh a chauh deuh avangin a muhil ta ani.
Chumi ni chu rei bik riauvin a lang, Vala chu tui pawh an pe lo va, a ka leh dang vel te chu a ro deuh hulh tawh mai a, a lu lah chu a keh dawn emaw tihtur khawp hian ana mai a, a beiseina zawng zawng pawh a bo zo ta. Satterfield ho dangte oawh chu lo thleng mahsela, Birdie thangah an awk mai dawn niin a hria a, chu hmeichhia chuan phatsan atum zia chu han hrilh turin hun an pe dawn miah si lo va.
Indian ho chu tui takin an muhil bawrh bawrh hlawm a, Vala bulah chuan an let phung mai a, Vala chuan alu chu ahan tikang deuh va, Ripa eisiam phe vut vut chu a hmu a,.Vawk te chu an talh a, hem hmin tumin a let vut vut mai a. Vala chuan amah ngei pawh chu chutiang hmabak chu ani a, meipuiah an la hemhmin dawn ani tih a han ngaihtuah chuan, chu ai chuan alu chu tan hmawk zawk sela a duh zawk em em mai ani.
Idy mayi chu tlanchhuak hlen thei pawh ni sela, Billa chu a thi tawh anih a ring a, a la thi lo anih si chuan amah pui turin alo lang tawh chen chen in a ring a, engpawh nise, Idy may chuan tunah chua Colorado a thleng tawh ngei ang a, himna ram panin a kal tawh ngei ang.

Chutiang thil hlir a ngaihtuah lai chuan a mitthla nge a tak tak,- a mit a han men chuan ....

CHapter 23 (a) by Tmawii

Bung ..23..

Return To Poison Valley...🐎

Retype, T mawii.

Poison Valley lama han tlankir leh mai chu Vala tan chuan Maimizial ang mai a hreawm leh rapthlak ani. Sakawr cher hnungzang hriam tak maiah chuan a ṭhut sawn a ṭhutsawn theih loh nan an phuarbet tlat a, kawng tluanin Sakawr chu an sawisa a, a ṭum ul ul reng mai bawk a, a sakawr nge an vuak a chuang a chu tih pawh ngaihtuah miah lovin Indian ho lah chuan kutthak hnawih nan tak chuan an hmang mai a.

Vala rilru chu a beidawng ve hle tawh mai a, amah kaphlum turin Billa emaw tal chu lo lang hlawl mai se a ti rilru hle mai a,.Birdie chanchin zel tur ngaihtuah chuan a tuarna chu theihnghilh hram hram a tum a. Chu hmeichhia lah chu chau hmel pawh a pu ve lo. Indian ho chu engang pawn tlanchak se, Birdie chuan hma a hruai zat zat thei a ni. Mihring ngaihtuahna nei awm pawhin a lang lo. Engtik ah emaw tu emaw ber chuan an la that ngei dawn ani tih erawh a hrechiang a ni. Engtik hunah emaw chuan mi a hnehtheihna chu a la reh ang a, khawthlang lam (western) ram pawh a hmuh ngam lohna hian ala hum hram hram chauh ani.

Kalkawnga an chawlh mangloh avangin Ni chhuah hnu darkar khat velah chuan Poison Valley chu an thleng ta mai a. Vala chuan hmuh leh pawh a tum loh, arin pawh a rin loh kha ani a, chutah chuan ṭhian pakhat Delley kha ala awm mai thei a, awm pawh nise, a ṭanpui thei awm chuang si lo va.

Birdie khan Satterfield ho hi chhimbudawi a, kalsan kha atum tak tak anih chuan Dellwy leh a fate chu a that mai ang tih a hlauhpui hle a, chutiangte angaihtuah tak avang chuan talchhuah tumin a phuarna chu a han tal a, mahse a hreawm tuar chu a zual sauh ani mai. Hun tlemte chauh a nei ta tih a in hria a, Birdie leh Indian hote chuan mut hahchawlh an duh dawn ngei a, khua a thim hma chuan ruaiṭheh leh intih hlimna chu an ṭan mai dawn lo. Indian nula pahnih leh Ripa chu eitur buatsaihin an buai he a, Vala chuan a rilru in Indian hote chuan Zu in rui sela a ti hle a, mahse, Birdie chuan zu a pe duh rih hauh si lo.

Vengtu tumah an lo awm lo a, mahse Quanney chuan Indian pakhat a dintir a, muthilh loh tur a ti ngut a. Satterfield ho chu lo thleng se, engtin tak buai ang maw? tiin Vala chuan angaihtuah a. A sakawr a ṭang chuan an chhuktir a, ke in a kal ta a. Inkang chhia te chu a kal pel a, a kangbang ṭhenkhat chuan daihlim tlem a siam a, mahse, Vala chu nisa lai tahah chuan an dintir a, lukhum khum takngial pawh an phal lo.

Delley leh a fate chu a hmu hauh lo, mahse Satterfield pitar kha vaibel zu pat patin a va hmu a, Indian ho chu an mutthlu lup lup hlawm a, Vala pawh chuan amit a chhing ser ser a, an phuarbehna hmawlh khenbur chu tal phawi tumin a bei fat fat a. Mahse, tal phawi zo tingtang silo hian vuak hlawh tawk lek hian Vunsen ho chu a tiharh ang tih hlauin a awm ta hle hle a.

Negro chaw chhum pa kha a vengtu a ni a,a enthla kur reng mai a, a chet vaih chuan chu pa chu a au ngei mai dawn si a. Birdie chu mu turin Frosta in lamah a kal tih ahria. Enge chutah chuan lo thleng tih erawh a hre reng reng lo thung a, a duh ang chu lo thleng sela chuan beiseina lazai khat tiat lek chuan a rilru chu a rawn zawm leh dawn ani.

Birdie chu Frosta inah chuan alut a, Delley chu Coffee siam turin a han tir a, amut hilh theih nan naupang ho chu a hnawtchhuak ve a, Satterfield pitar chu alo dingchhuak a, Birdie chu a rawn pan a, a vaibel zuk lai chu phawiin, " Khawiahnge ka fate ho ?" a han ti a. Birdie chuan, "Idy Mayi zawng turin Coz's Landingah an awm rih anih kha ,"a ti a. Pitar chuan,"An vaiin maw? a ti leh a. Birdie lah chuan ,,Engatan nge maw i tih tehchai le? a lo ti hlar mai a.

Pitar chuan, "Frosta thi an ti a"a han ti leh a. Birdie chuan, Eng a,, tunge sawi ? a ti a, Pitar chuan, Kan hre ve mai ani. tak tak em ni? ati a. Ani chuan ,,tak tak ang chu , Bull Beckeran a that alawm.a ti a. Piar chuan , An la man lo fo ani maw Beckera chu, a ti a, Birdie chuan, An la um zel chu ania, alo ti a.

CHapter 22 c.

Quanney kha in hmuh chuan ka hmu ve duh tuh han sawi ang che u,"a ti a.

Ullas chuan, Nangmah chauhin i kal anga maw!? a ti a. Birdie lah chuan, Anih loh nakah,,a lo tihsan mai a. Ullas chuan, Bull Beckera i theihnghilh ta mai em ni, kalkawnga i hmuh hlauh chuan.....Birdie chuan, Beckera chung a rip lutuk ang, alo tihkhalh a.
Ullas chuan, Hmeichhia te hian thu an sawi nuihzatthlak thei teh e, alo ti a. Claya chuan thinrim takin, Bull Beckera nen va in hmu sela, Satterfield ho tan a ṭha zawk daih mai, alo ti ve a. Poison Valley chu nikhata thlen mai chu Birdie chuan a in ring lo. Tun hmain arsi enghnuaiah pawh amahin zantam alo teihawiin alo khawhral tawh ṭhin a, a landanah chuan hlauhna reng rengin a hmel chu a chim buai ngai lo. Kel vuna siam tuithawl khat leh chaw tamtawk tak anei bawk a, ruah asur zawh chuan a sakawr tan tui a hmuhsak thei dawn bawk a. Kawng dik tak chu a zawh duh lo va, tlangchhipah zel a kal a, duhna chhan anei tlat a ni.
Mel 10 emaw lai akal tawh a, a sakawr chu a han en dik te te a. A sakawr rahchhan (stirrup) ah chuan a ding a, kutphaha nisa in hliah mwuhin ngun takin a thlir vang vang a. Engemaw tak hmuh a beisei a.a han hmuh chuan lawmin a au chhuak ṭhelh a, a sakawr chu a kheng tlan a, kawngsik lamah chuan a tlan a,meikhu signal a hmu tlat ani.
Quanney khan meikhu signal chhiardan alo zirtir tawh a, chu signalah chuan mi pakhat man ani a, an rawn hruai kir mek ani. Chu signal chu Val Heatona pawh ani mai thei ani. Satterfield dangte kha chuan meikhu signal chu an hrethiam ve dawn si lo va. Mi man an nei tih pawh an rawn hrethiam miah lo vang. Birdie chuan midangte chuan hrelo mahse pawi ati chuang miah lo bawk a, a sakawr chu ke chhep rual meuhin a tlantir ta a ni.

Mel hnih emaw a tlan a, tlangchhip pawng deuh hi a han hmu leh a, a sakawr a ṭangin a chhuk a, mei a chhem a, A awmna lai chu Quanney te chu hriattir a tum a ni. A sakawr zin a kawmawl chu a la a, mei chu a han ti khu ta luih luih a, chutiang chuan vawi thum a han ti a, atawpah chuan Quanney chuan meikhu bawkin a rawn chhang a, " Ka lo kal e,"tiin.
Birdie chuan a sakawr chu thingah a thlung a, ahah chawl ta a. Indian ho lah chu a duh ang ngeiin an awm ta a. Satterfuels ho nen khan va in hmu hlawm rawh se. Chu chu a duhdan chiah ani, Poison Valley ah chuan pawisa tamtak hnutchhiahin a awm a chu chu outlaw ho kal bo hlan a lakchhuah a rilruk tlat a , mahs chu chu a pawimawh ber erawh ani hauh lo.

Darkar hnih hnuah emaw chuan Quanney chu alo lanv ta a, Birdie chu thingbuk phen a ṭang chuan alo chhuak a, a sakawr zin a kawmawl chu a han thing fai a, chumi thawmah chuan Quanney chuan a rawn hmu a, a rawn pan ta a. Birdie chuan, Quanney, mi man in nei maw, tunge ni ? a han ti a. Ani chuan, Aw mi pakhat chu man e, mingo pa mawle, nangmah chuan Vala ti kha mawle, ati a. Chuta Birdie hlim hmel chu hmu sela, tupawhin rapthlak an ti ngei ang.
A va tihzia em!! Khawiah nge in dah ,?a han ti a. Quanney chuan, Indian tlangva hovin hruai ang, hetah lo kal mawle, a ti a, Birdie chuan, Nula kha in tihlum ta elo?a ti a. Ani chuan, Nula chu kalbo daih mawle, ati bung nghut a. Thil awmzia zawng zawng chu chiang takin a hrilh a, Tunah chuan Indian zawng zawng chuan Intih hlimna nasa takin duh tawh,...mingo pa sa ei duh,,ei loh chuan buaina nasa tak awm ang tih sawi maw le, a ti a.
Birdie chuan, "An beisei aia nasa zawk ka pe ang,"a ti a. Quanney hnenah chuan,,Satterfield ho chhimbudawi a, amah Quanney chu kalbo pui a tum dan zawng zawng chu a hrilh ta vek a.
Quanney a hmelah chuan rinhlelhna lianpui alo awm ta, "Indian ho chu nangman silai tatak pe thei em ni? Chaw tamtak awm em ni? a han ti a. Bidie chuan, In duh duh ka pe thei ang che u, Pawisa a awm phawt chuan, tihtheihloh a awm ngai em ni? Pawisa lah chu ka ngah si a, ati a. Quanney chuan, Satterfield ho chu nangman kaphlum vek dawn em ni?a ti leh a. Birdie chuan, Min rawn um chuan kan that zel mai ang chu, an lo va thleng har ve maw le,?a ti a. Quanney chuan ,an lo kal e, alo ti a.
Val Heatona chu saka