24 (b)

Satterfield unau pahnih te thawm ngaithla a an kun reng lai chuan Vala chuan tlan chungin a pan phei a, "Ka man che u, Che tawh s'u " a han ti a. Outlaw pahnih ban chu chunglamah an phar rual ṭhawt mai a. man an ni ta miau si a.
Claya zawk chuan thinur em emin, "Kan Heaton misuala ani pek maw! " a han ti a. Vala chuan, "Ngawi chipcham mai teh,' inkhelhna chu a tawp ta e, nangni satterfield te u, a tawp hlenna pirit chu ka kut a hi ka hum e," tiin a pistol chu a han ti lang chiang a.....

" In kalbo hma in hetah hian misual mantu a awm ngei dawn e,.Engpawh nise, in tan a ṭha lam anih theih nan thiltih ka tum a ni, nangmahni laka hel tawh leh, Birdie thunun vek tawh Indian ho te chuan an thah loh nan che u humhim che u ka tum a ni." a ti a..

Claya erawh chuan, Dawt sawi lo la ani mai, a la ti chhak chhak a, Vala chuan, "Nangmah avanga indian hoten hei hi hria an nih loh hrim chuan , i ha pakhat pawh kha i chang lo vang ṭhiana, in rin loh chuan kha lungpui kha pawt hawng teh Lije, i nupui leh Quanney i hmu ang, in sum dahṭhat la turin an lut a ka khar hnan ta ani."a ti a.
Lije chuan, " Chutiang chu alo ni maw,,,Aw..chu hmeichhe chungah chuan kut han thlak thei teh reng ila aw...Vala chuan, mahse, engtinmah tihna hun ka pe lovang che, alo ti thuai a. An silai chu a chhuhsak a, pakhat chu a kawnghrenah a zep a, pakhat chu a keng thung a. Chumi hnu chuan Idy may chu a ko phei ta a. Nula lo kal an hmuh chuan Outlaw pahnih te chu an ṭhen chak chak a.

Claya chuan, " Nang sihalnu te reuh hian hmanah khan min nei chu ni la, hetiang hi pakhatmah a thleng lo tur,"a lo ti a.Nula chuan, Nang ai thlawt chuan indian ho pawh hi ka la thlang cheu ani, alo tih san mai si a. Vala chuan, Idy may, engang rilru nge i put chiah? Claya hi kaphlum nghal mai ila i ti em? a ti a, Nula chuan "I tih a thu ani mai a lawm,"a lo ti sam et a.

Claya chuan, "Engvang tehlulin maw?!! a lo ti a. Vala chuan, Ngawi chipcham rawh, A..a duh hi ka tih puitlinsak zawk dawn em ni zawk ? Awle, Idy May, he misualpa Claya hi lungpui ngheng sawn lo dintir la, a chet hlek chuan hmet per mai ang che, lo kir ta lo pawh ni ila, kaphlum tho tho ang che, Lije hi a fala hmub lawk ka duh e,"a ti a. Lije lah chuan, Chutin min that mai thei lovang, alo ti chul a. Vala chuan diriam fe hian, " Nangni chinghne chal zet si in dawihzep em em mai si hi engti zia nge maw ni le? Thu neihna tlem i la neih chhung chuan tih hlum mai che ka tum rih love lo kal rawh le,"a ti a.

Idy may chu ngaihtuah ngai lova huaisen leh fel nimahsela, Claya bula han hnutchhiah ngawt chu tlem chuan a hreh deuh a. Claya hi mi raothlak leh bumhmang thiam tak ani si a. Mahse, a rilru ah chuan thil pakhat lian tak a awm si a, chu chu, Beckera kha thihna khurah lung in tangin a awm a, chu chu chhanchhuah a ngai ani.
Lije chu a hmaah a kal tir a, reilo te ah Bunk-house chu an va thleng a, Vala chuan, Awle Lije, thil enge maw ka tihtir dawn che a ni. I mite hnenah chuan va kir leh la, Bull Beckera kha va chhuah tir rawh, i chhuah tir chuan Claya chu ka that lo vang, i chhuah tir loh erawh chuan i unaute chu pakhatin an tlem leh dawn tihna ani mai a, pakhat zel a an kal bovin, an kiam ṭhin chhungkaw tinreng, tih ang mai kha ani ang chu, engtin nge i ngaih ? a ti ta a.
Lije chuan ,Beckera a chhuah leh zel chuan, Indian hovin hremhmun mei an chhem alh nasa lutuk anga sin, hetia kan kawl reng pawh hi min hua ani si a, mahse, kan man a ni a, kan lung in tang a ni a, kan thu a ni tiin a vei nghut nghut a, Vala chuan, " I nupui leh Quanney leh pawisa zawng zawng an hmuh vat loh chuan Indian ho chu in ral , in hmelma, indo tur an ni sa reng reng mai, mahse, i thu a lawm, nichin khan Satterfield pakhat chu ka that a, a dang pakhat pawhin hremhmunah a zui thuai ka beisei ani," ati ta a.
Chu veleh Lije chu a tjo khur ta hluk hluk mai a. Ullas kha , hepa Heatona hian a that ngei niin a ring ta a, amah leh Claya pawh a thuhnuai a kun an ni reng mai tih a han ngaihtuah chian chuan engmah beisei tur dang awmin a hrethei ta lo. " Awle