The Pilgrims Of Poison Valley by Tmawii bung 18

THE PILGRIM'S OF POISON VALLEY-*-

Bung 18..
The Savage Fury..

Retype,,Tmawii.

Vala chu rei fe mai a ngawi ta vang vang mai a. An himna ber tura an ngaih Birdie lah a lo tlan bo leh ta mai si nen..a ṭhian putar pahnih te chu a han mawhchhiat deuh mai a, a ṭhianpa Bill Gentry phei chu a be tau deuh ngut ngut mai a.

Beckera chuan, " Ngawi mai mai teh nauva, Gentry pawh kei pawh mawhchhiat mai tur kan ni lo. Nangmah vang vek zawk alawm, phal la chuan a nghawng ka ulh tliak daih tawh ang chu, tunah chuan indian ho hruaiin a lo kir leh dawn tihna a ni mai," a ti boh boh a. Idy May chuan, "Keima tihsual a ni ber mai,"a ti a, An awmna lah chu a thim hle mai a, Vala chuan,," Enga tinge?? a lo ti vat a. Nula chuan, " Heng pukte ji a vawt si a , Birdie lah khan ka Kawmawl min sinpui duh tawp mai si lo va, a zavaia kan sin chung pawhin ka la khur a nia, Vawt a lo ti ang tih hlauin a awmna pukah ka phei a,kawmawl pakhat chauh sinin a lo muhil a, Aw,, a va atthlak em ! a suahsual zia te chu mitin hriat a nih vei nen," a ti a.

Vala chuan," Sawi zel teh , a eng ber chu nge ṭha lo chu i lo ngaithla teh ang,"a lo ti leh a. Nula chuan..Tichuan a lo harh ta a, amah panhnai turin mi ti a, ka hriat hauh loin chemte a lo pai reng chu niin, chu chuan min tin ta mai ani, a ti a.Billa chu a lo kal hnai a, "Tichuan min rawn au ta a, kan ṭanpui phawt chuan Idy may chu vihhlum mai a tum si a, Idy may chu chhuak turin a ti a,mahse ani hi alo huaisen ve a, 'i duh leh min vit mai rawh,' a ti ve ta tlat a, mahse a rawn nawrchhuak lui a, Birdie chu kan kal tir mai loh chuan Idy may hi a that mai dawn si a, tichuan kan kal tir ta mai a ni." a ti ta a. Nula chuan" Min tihlum law law sela a ṭha zawk awm asin mawle,"a lo ti ve thung a.
Vala thinur sabut pawh chu a reh ve ta a, nula darah chuan ahan beng thak thak a, " Ka ṭawng mai mai ṭhin a, a pawi hle mai,-han tih hleihtheih chi a nih tak loh chu,-ka hrethiam mai e, Birdie fin hi chu tumahin kan chelhlo a nih hi,"a ti a. Nula chuan-Kan sual tawklo i tihna ani ang e, alo ti a.

Bill Gentry chuan," A pawhchhuah lai chuan hetah hian kan ding a, a thim chin a thlen veleh a tlan luam a, apilbo ta mai a si a, kan va en chuan alo awm tawh reng reng si lo," a ti a. Bul Bevkera chuan, "A thlenthlak hmain a tlu ang a, ake a ulh mial mahna,"a lo ti bul bul a. Vala chuan chu Outlaw putar chu a han en a, Birdie chu Beckera kuta a lo awm leh vaih chuan , Birdie chan tur chu a hriat sa tawh mai ani.

Billa chuan, Awle, Birdie khan a hote a rawn hruai chhoh hmain i kal bo daih ang u aw le, sakawr te i rawn la bawk a, ati a, Bulla chuan,"Claya leh Frost kha phuarhlawmin ka kalsan i ti maw kha,? Kei zawng hetah hian ka lo awm teh ang," a ti ngut mai a.

Vala chuan putar chu a han en vang vang a, "Bull, i tan engmah sawngsawhlawtna a awm chuang hlei nem, Claya chu a in phelh leh daih tawh ang a, Frost lah i hmu leh tawh bawk hek lovang," a ti a. A tawpah chuan an rual chuan a kal ve ta a. Mahse, a phun deuh bul bul reng a, Vala chuan,"Jack Croudlebough chunga thil lo thleng kha hre mai rawh,"a ti a. Beckera chuan, "In rual chuan lo kal ve zel sela chuan, lawmman dawng tlak hial lah zuk ni awm a," a ti leh a. Vala chuan a ning ta deuh a,..Min zui mah la, i duh duh na a kal thei turin zalenna i nei a lawm, Nanga chungchang ringawt hi kan lungkham tehchiam hleinem,.a ti ta khawl a.Beckera chuan, Ka sawi palh a nih chu a ti a, a ngawi ta daih a.

An sakawr dahna chu an zuk thleng a, Colorado lui lam pan a kal an tum a, Kawlkil chu a sen phut mai a, kar loah ni a alo chhuak mai dawn tih tih an hria a.Beckwra chuan,..Poison Valley pan lo tur chuan kawngkhat chauh a awm thu te, chu kawng chu ruam thuk em em mai anih thu te a sawi lawk vek a. Vala chuan ,Heta kan awm an hriat chuan hmunhnih ah min danna tur an nei thei a nih chu,a ti a, Beckera chuan..Sakawr kan nei a lawm a lo ti a.

Sakawr ke Vawr rual meuha an tlan hnu chuan, tlang zingzum pakhat cbu an pel thei ta a,an hma zawnah chuan ram bawng rual ṭhahnem fe hi ngaw ah