Post April 24th, 2018, 7:15 pm
THE PILGRIM'S OF POISON VALLEY-*-
Bung 14..
Poison Valley Chapona..
Retype Tmawii.
Birdie Satterfieldi chapona leh a lawmna ni kumkhua ṭhin....POISON VALLEY in ropui kang hluah hluah mai chu ṭhelh mih mai rual a ni awzawng lo mai,..Khawfing a lo chat a, kawl chu a lo eng sen phut mai a. Birdie chu kawng dawmin a ding a, a in kang chhe vek tawh chu enin anchhia a lawh hlawih hlawih mai a.
Birdie chu hmeichhe huaisen tak a ni a, a huaisenzia chu tunah phei chuan pawnlam landan mai a ṭang pawhin hairual a ni lo. A mit chu a sen urh mai a, a hmai chu a dum thual mai a, a sam sum sei tak chu a hnunglamah thur takin a uai thla sung mai bawk a, mei kn ṭantirh te kha chuan a kawrte chu chuhna hman chu a nei. Mahse tunah chuan meivapah a chang zo ta.
Amah ang em a huai leh ṭhahnem ngai a an ṭhelh loh a vangin an awmna in chu kangral a ni si a. Chu tlawmna chuan a ti thinur zual sauh sauh a, midangte chu dawihzep leh ṭhahnem ngailo a tih vang chuan a hau hlawih hlawih a, a aw te chu a chhang zo ta hial a. Chung in kang zawng zawng te chu Outlaw dang ho tan aiin Birdie tan chuan a pawi zual ber a ni. In ropui tak tak te chu a thuneihna chhinchhiahna a ni a,Inchhung khawsak zahawm tak a lo khawsa ṭhin ang ngang hi a ni a, amah leh a mah a in zahpui na pawh cbu a nasa hle a, Lije Satterfield a neih hma, anaupan lai a athil duh loh zawng a hnial ṭhin ang bawkin a rilru kawlhna chuan a thaw a ti ippik hle mai a ni. Engpawh nise, heng Outlaw tenawm tak tak zingah hian Lalnu ah a insiam ta miau mai si a.
Chung thil avang chuan nunrawnna thil a lo thlenglo thei dawn ta lo a ni. Midang zawng zawng aiin a nunrawnna thil chu a hlen ngam si ṭhin a, pawisa a mamawh zat a piang mai hi chung Outlaw ho hnen a ṭang chuan aduh duhin a laksak zel mai ṭhin a ni. A duh zawng leh a thupek te avang hian Satterfield ho chuan Thlaler mel za tam tak an kal tlang ṭhin a, tunah erawh chuan chungte chu a lo ral ta vek mai si a. A mawhphurtu chu mi pakhat chauh a ni a, a hrechiang em em mai bawk a ni.
Val Heatona leh Bill Gentry chu he Poison Valley ah hian IDY MAY chhanchhuak turin an lo kal ngei a ni tih tunah chuan a hrechiang ta.. Amah (Val Heatona ) chu ṭanpuiin....ṭanpui chauh pawh ni lovin a lo hmangaih lehnghal si, chung zawng zawng chu a han ngaihtuah letin a mah leh amah chu a in tenin a in hmusit ngawih ngawih mai ani. Engmah ngaihtuah pawh neilo, sikul naupang thluak nem mai niin a in ngai hial a ni. Sawisakna hmasa ber tur kha beisei rual lohin Val Heatona fawhna khan a lo pumpelh tir ta a, chumi darkar ngei chuan Val Heatona chu a thuhnuaia a dah theih hauh loh tur leh mipa dang zawng zawng aia Birdie tan meuh pawh mi khirh ber a lo ni tih tunah hian a hrechhuak thar leh ta a ni. Amah Heatona pawh chuan chu hmeichhia chu a ma tawp nan a lo hmang dawn ta.(em ni??? ). Birdie pawh chu a atna avang chuan a in hmusit hle mai bawk a. Mahse, an tlanbo hlen theih tak tak chu a ring mawlh lo. A man leh hunah chuan chu tlangval chu a ma ka ni lovin a nui nasa ngawt ang, (a va rapthlak dawn em !!!) Idy Mayi thung chu, Claya a nei emaw nei lo emaw,.....chu chu an in tihbuaina ber tur chu a lo ni ta.
Satterfield ho chu phatsanin, Val Heatona'n a remtih pui phawt chuan, hotua siamin tlanbopui pawh a lo in peih kha a ni a, Satterfield zingah chuan a naupang ber Ullysses chauh hi a hmusit ve ngam lo va, Ullas lah hian Birdie hi a ngaizawng tlat mai a. A unaute zingah pawh a ṭanpui zel dawn tih a hriat tlat a vangin a hmusit ve lo a ni..Ullas a vang hian thu berin rei tak a lo awm tawh a, chuvangin a tawp thlenga ṭanpuitu a tan a duh a ni.mahse Frosta leh Claya chuan Ullasa hi Poison Valley a ṭanga umchhuah an duh reng fo a ni.Berdie hian Heatona a lo hmangaih tak tak ani tih an hriatchhuah hnuah phei chuan Poison Valley a Birdie thuneihna chu a tawp chiang hle ang. Chuvangin a thu neihna pangai nei leh tur chuan Vala chu man a, lungawina khawp phuba lak angai a ni.
Birdie bengbulah Frost chuan,..A kangral zo ta, khami te kha an l
THE PILGRIM'S OF POISON VALLEY-*-
Bung 14..
Poison Valley Chapona..
Retype Tmawii.
Birdie Satterfieldi chapona leh a lawmna ni kumkhua ṭhin....POISON VALLEY in ropui kang hluah hluah mai chu ṭhelh mih mai rual a ni awzawng lo mai,..Khawfing a lo chat a, kawl chu a lo eng sen phut mai a. Birdie chu kawng dawmin a ding a, a in kang chhe vek tawh chu enin anchhia a lawh hlawih hlawih mai a.
Birdie chu hmeichhe huaisen tak a ni a, a huaisenzia chu tunah phei chuan pawnlam landan mai a ṭang pawhin hairual a ni lo. A mit chu a sen urh mai a, a hmai chu a dum thual mai a, a sam sum sei tak chu a hnunglamah thur takin a uai thla sung mai bawk a, mei kn ṭantirh te kha chuan a kawrte chu chuhna hman chu a nei. Mahse tunah chuan meivapah a chang zo ta.
Amah ang em a huai leh ṭhahnem ngai a an ṭhelh loh a vangin an awmna in chu kangral a ni si a. Chu tlawmna chuan a ti thinur zual sauh sauh a, midangte chu dawihzep leh ṭhahnem ngailo a tih vang chuan a hau hlawih hlawih a, a aw te chu a chhang zo ta hial a. Chung in kang zawng zawng te chu Outlaw dang ho tan aiin Birdie tan chuan a pawi zual ber a ni. In ropui tak tak te chu a thuneihna chhinchhiahna a ni a,Inchhung khawsak zahawm tak a lo khawsa ṭhin ang ngang hi a ni a, amah leh a mah a in zahpui na pawh cbu a nasa hle a, Lije Satterfield a neih hma, anaupan lai a athil duh loh zawng a hnial ṭhin ang bawkin a rilru kawlhna chuan a thaw a ti ippik hle mai a ni. Engpawh nise, heng Outlaw tenawm tak tak zingah hian Lalnu ah a insiam ta miau mai si a.
Chung thil avang chuan nunrawnna thil a lo thlenglo thei dawn ta lo a ni. Midang zawng zawng aiin a nunrawnna thil chu a hlen ngam si ṭhin a, pawisa a mamawh zat a piang mai hi chung Outlaw ho hnen a ṭang chuan aduh duhin a laksak zel mai ṭhin a ni. A duh zawng leh a thupek te avang hian Satterfield ho chuan Thlaler mel za tam tak an kal tlang ṭhin a, tunah erawh chuan chungte chu a lo ral ta vek mai si a. A mawhphurtu chu mi pakhat chauh a ni a, a hrechiang em em mai bawk a ni.
Val Heatona leh Bill Gentry chu he Poison Valley ah hian IDY MAY chhanchhuak turin an lo kal ngei a ni tih tunah chuan a hrechiang ta.. Amah (Val Heatona ) chu ṭanpuiin....ṭanpui chauh pawh ni lovin a lo hmangaih lehnghal si, chung zawng zawng chu a han ngaihtuah letin a mah leh amah chu a in tenin a in hmusit ngawih ngawih mai ani. Engmah ngaihtuah pawh neilo, sikul naupang thluak nem mai niin a in ngai hial a ni. Sawisakna hmasa ber tur kha beisei rual lohin Val Heatona fawhna khan a lo pumpelh tir ta a, chumi darkar ngei chuan Val Heatona chu a thuhnuaia a dah theih hauh loh tur leh mipa dang zawng zawng aia Birdie tan meuh pawh mi khirh ber a lo ni tih tunah hian a hrechhuak thar leh ta a ni. Amah Heatona pawh chuan chu hmeichhia chu a ma tawp nan a lo hmang dawn ta.(em ni??? ). Birdie pawh chu a atna avang chuan a in hmusit hle mai bawk a. Mahse, an tlanbo hlen theih tak tak chu a ring mawlh lo. A man leh hunah chuan chu tlangval chu a ma ka ni lovin a nui nasa ngawt ang, (a va rapthlak dawn em !!!) Idy Mayi thung chu, Claya a nei emaw nei lo emaw,.....chu chu an in tihbuaina ber tur chu a lo ni ta.
Satterfield ho chu phatsanin, Val Heatona'n a remtih pui phawt chuan, hotua siamin tlanbopui pawh a lo in peih kha a ni a, Satterfield zingah chuan a naupang ber Ullysses chauh hi a hmusit ve ngam lo va, Ullas lah hian Birdie hi a ngaizawng tlat mai a. A unaute zingah pawh a ṭanpui zel dawn tih a hriat tlat a vangin a hmusit ve lo a ni..Ullas a vang hian thu berin rei tak a lo awm tawh a, chuvangin a tawp thlenga ṭanpuitu a tan a duh a ni.mahse Frosta leh Claya chuan Ullasa hi Poison Valley a ṭanga umchhuah an duh reng fo a ni.Berdie hian Heatona a lo hmangaih tak tak ani tih an hriatchhuah hnuah phei chuan Poison Valley a Birdie thuneihna chu a tawp chiang hle ang. Chuvangin a thu neihna pangai nei leh tur chuan Vala chu man a, lungawina khawp phuba lak angai a ni.
Birdie bengbulah Frost chuan,..A kangral zo ta, khami te kha an l
No comments:
Post a Comment